Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 260 Hüküm no: 196 Orijinal metin no: [44a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatıma Hatun’un terekesi Mahmiye-i İstanbul’da Müftü Ali mahâllesinde sâkine iken bundan akdem vefât eden Fâtıma Hatun bt. Ali’nin verâseti zevc-i metrûkü Mustafa Çelebi b. Mehmed ile sadriye kebîre kızı Afife’ye ve li-eb kız karındaşı Âişe’ye münhasıra olduğu şer‘an zâhir ve mukarrer oldukdan sonra mezbûr Afife Hatun’un zevci ve tarafından vekîl-i müsecceli Abdullah Çelebi b. Hüseyin ve mezbûrân Mustafa Çelebi ve Âişe Hatun taleb ve ma‘rifetleriyle tahrîr ve beyne’l-verese taksîm olunan tereke-i müteveffât-ı mezbûredir ki ber-vech-i âtî zikr olunur. Fî 10 min-Cumâdelâhire sene 1143. Çuka kaplı sincab kürk 540 akçe Köhne kuzu kürkü 1 280 akçe Müsta‘mel çuka ferâce 861 akçe Köhne keremsûd anteri 300 akçe Köhne hatâî anteri 123 akçe Alaca anteri 400 akçe Al hâre cübbe 600 akçe Köhne çintiyân 120 akçe Köhne beyaz anteri 130 akçe Köhne gömlek 1, don 2 180 akçe Baş yemenî 95 akçe Def‘a yemenî 70 akçe Serpûş 36 akçe Sîm elmas tıraş kuşak ma‘a kolan 830 akçe Sîm sagīr kuşak 120 akçe Köhne orta keçesi ve yan 240 akçe Zincirli altın 21 aded, fî 336 7.056 akçe Cem‘an yekûn: 11.991 akçe Minhe’l-ihrâcât Resm-i âdî ve kassâmiye ve hüddâmiye 299 akçe Dellâliye-i eşyâ 90 akçe Masârıf-ı lâzıme 180 akçe Kaydiye 15 akçe Yekûn: 584 akçe Sahhü’l-bâkī: 11.407 akçe Hissetü’z-zevci’l-mezbûr 2.851 akçe Hissetü’l-binti’l-mezbûre 5.703 akçe Hissetü’l-uhti’l-mezbûre 2.851 akçe