Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 261 Hüküm no: 197 Orijinal metin no: [44b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hacdan gelirken vefat eden Bosnavi Mustafa Ağa’nın kızı Zeynep’in vasisi Ahmed Ağa’nın görülen hesabı Mahmiye-i İstanbul’da Şeyh Ebulvefâ mahâllesi ahâlîsinden olup hacc-ı şerîfden gelir iken esnâ-i tarîkde bundan akdem vefât eden Hazînedâr Bosnavî el-Hâc Mustafa Ağa b. Mehmed’in sulbiye sagīre kızı Zeyneb’in tesviye-i umûruna kıbel-i şer‘den mansûb vasîsi Ahmed Ağa b. Ebubekir’in bin yüz kırk bir senesi Cumâdelûlâ gurresinden bin yüz kırk üç senesi Cumâdelâhiresi gāyetine gelince yirmi altı ayda vasiyy-i mezbûrun makbûz ve masrûfunun görülen hesâbıdır ki ber-vech-i âtî zikr olunur. Fî 19 min-Cumâdelâhire sene 1143. Sagīre-i mezbûrenin babası müteveffâ-yı mezbûrdan müntakıl ber-mûceb-i defter-i kassâm-ı askerî taksîm olunan hissesi 9.403 akçe Pojegalı el-Hâc Ali’den kabz olunan zimemden ber-mûceb-i defter-i mezbûr taksîm-i sânîden hissesi 18.410 akçe Hîn-i fevtinde yanında mevcûd Mısr-ı Kāhire’den gelen meblağdan ber-mûceb-i defter taksîm-i sânîden hissesi 49.447 akçe Müddet-i mezbûrda vasiyy-i mezbûrun i‘mâliyle murâbahadan makbûzu 2.400 akçe Bu senede el-Hâc Ali’den on guruşa bey‘ eylediği dirhem ve terâzîden hissesine isâbet eden 150 akçe Sagīre-i mezbûrenin gümrük vazîfesinden beher şehr altmış akçeden on iki ayda alınan vazîfe 720 akçe Sagīre-i mezbûrenin vâlidesi Ümmü Gülsüm Hatun’dan isâbet eden hissesi 12.000 akçe Cem‘an yekûn: 92.530 akçe Minhe’l-ihrâcât Yevmî on beş akçeden bâ-hüccet-i şer‘iyye on dokuz ayda nafakasına sarf olunan 8.550 akçe Yevmî yirmi akçeden bâ-hüccet-i şer‘iyye yedi ayda nafakasına sarf olunan 4.410 akçe Gümrük emînine verilen kırk altı buçuk guruşdan sagīre-i mezbûreye isâbet eden 696 akçe Müddet-i mezbûrede menzil meremmâtına ve ücret-i mübâşir ve ücret-i mumcuya verilen meblağdan sagīre-i mezbûrenin hissesi 1.377 akçe Vazîfe tezkeresi harcına verilen 486 akçe Mukaddemâ verilen hüccet-i isbât-ı vesâyet ve kalemiye ve hüddâmiye 600 akçe Harc-ı muhâsebe 300 akçe Kalemiye, hüddâmiye 120 akçe Kaydiye-i defter 15 akçe Yekûn: 16.554 akçe Sahhü’l-bâkī bi-yedi’l-vasî: 75.976 akçe Sagīre-i mezbûre Zeyneb’in müntakıleten mülkü olup vasiyy-i mezbûr Ahmed Ağa’ya teslîm olunan eşyâdır. Altın bilezik 1 çift, inci ön kuşak 1, ma‘a kolan