Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 272 Hüküm no: 209 Orijinal metin no: [47a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmühani Hatun’un terekesi Mahmiye-i İstanbul’da el-Hâc Muhyiddin mahâllesinde sâkine iken bundan akdem vefât eden Ümmühani Hatun bt. el-Hâc Mustafa’nın verâseti zevc-i metrûkü İbrahim Beşe b. Mustafa ile sadriye sagīre kızları Emine ve Havva’ya ve vâlidesi Azize Hatun bt. Abdülkadir’e münhasıra ve tashîh-i meselesi bi-hükmi’l-kavl on üç sehmden olmağla sihâm-ı mezbûreden üç sehmi zevci mezbûra ve dörder sehmi sagīretân-ı mezbûretândan her birine ve iki sehmi vâlidesi mezbûreye isâbeti tahakkukundan sonra sagīretân-ı mezbûretânın babaları ve velîleri ve tesviye-i emrlerine kıbel-i şer‘den mansûb vasîleri mezbûr İbrahim Beşe ve mezbûre Azize Hatun taleb ve ma‘rifetleriyle tahrîr ve taksîm olunan tereke-i müteveffât-ı mezbûredir ki ber-vech-i âtî zikr olunur. Fi’l-yevmi’s-sâbi‘ ve’l-ışrîn min-Cumâdelâhire li-sene selâse ve erba‘în ve mi’e ve elf. Telli kapı perdesi 1.040 akçe Hâre biniş nâfe kürk 1.000 akçe Dîbâ kavuşdurma 1.041 akçe Telli hatâî anteri 900 akçe Çuka ferâce 840 akçe Beyaz peşkir ve sofra 500 akçe Hamam rahtı 200 akçe Kutnî anteri 300 akçe Serpûş 1, boğça 1 312 akçe Hâre cübbe 400 akçe Atlas anteri 360 akçe Don ve gömlek 240 akçe Yemenî yüz yasdığı 80 akçe Sandık 3 300 akçe Minder 2 300 akçe Orta keçe 1, yan 4 2.400 akçe Kadife yasdık 10 5.000 akçe Seccâde 240 akçe Ocak yaşmak 60 akçe Döşek 2 600 akçe Yemenî yorgan 4 1.253 akçe Leğen ibrik 240 akçe Sagīr tas 3 180 akçe Şamdân, gülâbdân, kahve ibriği 185 akçe Sini 360 akçe Sagīr tencere bâ-kapak 500 akçe Sahan-ı sagīr 4 200 akçe Tâbe 120 akçe Yekûnü’l-eşyâ: 19.150 akçe Minhe’l-ihrâcât Resm-i âdî ve kassâmiye 500 akçe Harc-ı hüccet-i vesâyet ve hüddâmiye 150 akçe Dellâliye 360 akçe Kaydiye 30 akçe Yekûnü’l-ihrâcât: 1.040 akçe Sahhü’l-bâkī: 18.110 akçe Hissetü’z-zevci’l-mezbûr 4.179 akçe Hissetü’l-binti’l-mezbûre 5.572 akçe Hissetü’l-binti’l-mezbûre 5.572 akçe Hissetü’l-ümmi’l-mezbûre 2.786 akçe