Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 274 Hüküm no: 210 Orijinal metin no: [47a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Ümmühani Hatun’un kızları Emine ve Havva’ya nafaka takdiri Mahmiye-i İstanbul’da el-Hâc Muhyiddin mahâllesinde sâkine iken bundan akdem vefât eden Ümmühani Hatun bt. el-Hâc Mustafa Efendi’nin sadriye sagīre kızı Emine ve Havva’nın babaları ve velîleri ve tesviye-i emrlerine kıbel-i şer‘den mansûb vasîleri bâ‘isetü’l-kitâb İbrahim Beşe b. Mustafa talebiyle hâkim-i muvakkı‘-ı sadr-ı kitâb bi-tevkī‘ihi’r-refî‘i’l-müstetâb tûbâ-lehû ve hüsnü-meâb efendi hazretleri sagīretân-ı mezbûretânın vâlideleri müteveffât-ı mezbûreden müntakil mâlından her birine beher yevm ikişer para nafaka ve kisve-baha farz ve takdîr buyurup meblağ-ı mefrûz-ı mezkûru sagīretân-ı mezbûretânın nafaka ve kisve ve sâir levâzım-ı zarûriyelerine harc u sarfa ve lede’l-iktizâ istidâneye ve inde’z-zafer mâl-ı müntakillerine rücû‘a vasiyy-i mezbûr İbrahim Beşe’ye izin birle mâ-vaka‘a bi’t-taleb ketb olundu. Fi’l-yevmi’s-sâbi‘ ve’l-ışrîn min-Cumâdelâhire li-sene selâse ve erba‘în ve mi’e ve elf. Şuhûdü’l-hâl: Abdullah Efendi b. Halil, Ebubekir Efendi b. İbrahim, es-Seyyid Mehmed Ağa b. Ali, el-Hâc Süleyman Ağa b. el-Hâc Mustafa, Molla Mehmed b. Abdullah, Mustafa Beşe b. Mustafa