Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 274 Hüküm no: 211 Orijinal metin no: [47a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ümmühani Hatun’un vefatıyla kızlarına vasi tayin edildiği Mahmiye-i İstanbul’da el-Hâc Muhyiddin mahâllesinde sâkine iken bundan akdem vefât eden Ümmühani Hatun bt. el-Hâc Mustafa Efendi’nin sadriye sagīre kızları Emine ve Havva’nın babaları ve velîleri olup mahmûdü’l-hâl idiği zeyl-i kitâbda muharrerü’l-esâmi Müslimîn haberleriyle lede’ş-şer‘i’l-enver zâhir ve mukarrer olan işbu bâ‘isü’l-kitâb İbrahim Beşe b. Mustafa’yı hâkim-i muvakkı‘-ı sadr-ı kitâb bi-tevkī‘ihi’r-refî‘i’l-müstetâb tûbâ-lehû ve hüsnü-meâb efendi hazretleri sagīretân-ı mezbûretânın vakt-i rüşd ü sedâdlarına varınca tesviye-i emrlerine vasî nasb u ta‘yîn buyurduklarında ol dahi vesâyet-i mezbûreyi kabûl ve hizmet-i lâzımelerini edâya ta‘ahhüd ve iltizâm etmeğin mâ-vaka‘a bi’t-taleb ketb olundu. Fi’l-yevmi’s-sâbi‘ ve’l-ışrîn min-Cumâdelâhire li-sene selâse ve erba‘în ve mi’e ve elf. Şuhûdü’l-hâl: Es-sâbıkūn