Bab Mahkemesi 54 Numaralı Sicil (H. 1102 / M. 1691) cilt: 20, sayfa: 92 Hüküm no: 61 Orijinal metin no: [9b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yusuf Beşe b. Musa’nın alacağı hususunda Mustafa Beşe b. İbrahim’le sulh olduğu Tüccâr tâifesinden Yusuf Beşe b. Musa nâm kimesne meclis-i şer‘-i şerîfde, tâife-i mezbûreden Mustafa Beşe b. İbrahim nâm kimesne mahzarında takrîr-i kelâm ve ta‘bîr ani’l-merâm [edip], bundan akdem merhûm Mustafa Beşe zimmetinde yedimden iştirâ ve kabz eylediği duhân bahâsından on sekiz guruş ve ikrâz ve kabz ve istihlâk eylediği dört guruş ki, cem‘an yirmi iki guruş hakkım olduğu meblağ-ı mecmû‘-ı mezbûru merhûm Mustafa Beşe’den taleb ve da‘vâ ve ba‘de’l-inkâr müdde‘âmı şuhûd ve udûl ile isbât edip, hükm-i şer‘î lâhık oldukdan sonra merkūm Mustafa Beşe tavassut-ı muslihîn ile meblağ-ı mecmû‘-ı mahkûmun bih merkūmdan on bir guruş üzerine benimle sulh oldukda, ben dahi sulh-ı mezbûru kabûl ve bedel-i sulh olan meblağ-ı mezbûr on bir guruşu yedinden tamâmen ahz u kabz eyledim. Min ba‘d bâkī kalan on guruş da‘vâsından merkūm Mustafa Beşe’nin zimmetini ibrâ ve iskāt eyledim dedikde, gıbbe’t-tasdîki’ş-şer‘î mâ vaka‘a bi’t-taleb ketb olundu. Fî 28 Cemâziyelevvel sene 1102. Şuhûdü’l-hâl: İbrahim Çelebi b. Ahmed, Mustafa b. Ali, Osman Hasan b. İbrahim Çelebi b. Mehmed.