Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 280 Hüküm no: 216 Orijinal metin no: [48b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halil Ağa’nın çocuklarının vasisi olan Numan’a nazır tayin edildiği Mahmiye-i İstanbul’da Kâtib Şemseddin mahâllesi sükkânından olup bu sene-i mübârekede hacc-ı şerîfde bundan akdem vefât eden es-Seyyid Halil Ağa b. Hüseyin’in sulbiye sagīre kızları Âişe ve Rukıye’nin tesviye-i emrlerine bâ-hüccet-i şer‘iyye vasiyy-i şer‘îleri Numan Çelebi b. Mustafa’nın üzerine bir hasbî nâzır nasbı lâzım ve mühim olmağın nezâret-i merkūmeye her vechile kādir olan sagīretân-ı mezbûretânın min-kıbeli’l-üm ceddeleri hâfızatü’l-kitâb Fâtıma Hatun bt. Mehmed’i hâkim-i muvakkı‘-ı sadr-ı kitâb bi-tevkī‘ihi’r-refî‘i’l-müstetâb tûbâ-lehû ve hüsnü-meâb efendi hazretleri vasiyy-i mezbûr Numan Çelebi’nin üzerine ber-vech-i muharrer hasbî nâzır nasb u ta‘yîn buyurup mezbûre Fâtıma Hatun dahi nezâret-i merkūmeyi kabûl ve hizmet-i lâzımesini kemâ-yenbağī edâya ta‘ahhüd ve iltizâm etmeğin mâ-vaka‘a bi’t-taleb ketb olundu. Fî 4 min-Cumâdelâhire sene 1143. Şuhûdü’l-hâl: Ali Ağa b. Murtaza, Ahmed Çelebi b. Mehmed, Osman Çavuş b. (°), Hasan Beşe b. Süleyman, Hüseyin Beşe b. Ahmed Çelebi b. Hüseyin, Hasan Çelebi b. Abdurrahman