Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 290 Hüküm no: 220 Orijinal metin no: [51a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Çelebi’nin vefat eden Mustafa Çelebi’de alacağı olduğu Kezâlik akd-i meclis-i şer‘-i şerîf ettikde mahâlle-i mezbûrede sâkin bâ‘isü’l-kitâb Mehmed Çelebi b. Mahmud meclis-i ma‘kūd-ı mezkûrda müteveffâ-yı mezbûrun zevce-i menkûha-i metrûkesi ve evlâd-ı sıgārı İsmail ve Fâtıma ve Hadîce ve Âişe’nin tesviye-i emrlerine kıbel-i şer‘den mansûbe vasîleri olmağla terekesine bi’l-verâse ve bi’l-vesâye vâzı‘atü’l-yed olup zâtı ta‘rîf-i şer‘î ile mu‘arrefe olan Fâtıma Hatun bt. Şaban mahzarında üzerine da‘vâ ve takrîr-i kelâm edip müteveffâ-yı mezbûr Mustafa Çelebi b. Ömer b. Abdullah zimmetinde cihet-i karz-ı şer‘îden ba‘de-külli’l-hesâb on dört guruş hakkım olup hattâ müteveffâ-yı mezbûr hâl-i kemâl-i sıhhatinde meblağ-ı mezbûr cihet-i merkūmeden zimmetinde bana vâcibü’l-edâ deyni olduğunu huzûr-ı Müslimînde ikrâr ve işhâd edip kable’l-edâ fevt olmağla terekesinden taleb ederim, suâl olunsun dedikde gıbbe’s-suâl ve’l-inkâr müdde‘î-i mezbûrdan müdde‘âsına beyyine taleb olundukda udûl-i ahrâr-ı ricâl-i Müslimînden mahâlle-i mezbûrede sâkin Mehmed Çelebi b. Ali ve Ahmed Bey b. Receb li-ecli’ş-şehâde meclis-i ma‘kūd-ı mezkûra hâzırân olup isre’l-istişhâd fi’l-hakīka müteveffâ-yı mezbûr Mustafa Çelebi b. Ömer b. Abdullah hâl-i kemâl-i sıhhatinde işbu müdde‘î-i mezbûr Mehmed Çelebi’ye cihet-i karz-ı şer‘îden ba‘de-külli’l-hesâb on dört guruş zimmetinde vâcibü’l-edâ deyni olduğunu huzûrumuzda ikrâr ve bizi işhâd eyledi, biz bu husûsa bu vech üzere şâhidleriz, şehâdet dahi ederiz deyü her biri edâ-i şehâdet-i şer‘iyye ettikde ba‘de’t-ta‘dîl ve’t-tezkiye şehâdetleri makbûle olmağın gıbbe’t-tahlîfi’ş-şer‘î mûcebiyle ba‘de’l-hükm vâki‘ hâli ilâ-âhırihî. Fi’t-târîhi’l-mezbûr li-seneti’l-merkūme. Şuhûdü’s-s-sâbıkūn.