Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 317 Hüküm no: 250 Orijinal metin no: [56b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Boyacı Halil Çelebi’nin vefatıyla kızı Hatice’ye nafaka takdiri Mahmiye-i İstanbul’da Kepenekçi Sinan mahâllesinde sâkin iken bundan akdem vefât eden Boyacı Halil Çelebi b. el-Hâc Mehmed’in sulbiye sagīre kızı Hadîce’nin tesviye-i umûruna bâ-hüccet-i şer‘iyye vasiyy-i muhtârı hâfizü’l-kitâb Osman Çelebi b. Abdullah meclis-i şer‘de ikrâr ve takrîr-i kelâm edip sagīre-i mezbûrenin nafaka ve kisveye eşedd-i ihtiyâcı olmağla babası müteveffâ-yı mezbûrdan müntakil mâlından ve akārı icâresinden kadr-ı ma‘rûf meblağ farz ve takdîr olunmak matlûbumdur dedikde vasiyy-i mezbûrun kelimât-ı meşrûhası vâkı‘a mutâbık olmağın hâkim-i muvakkı‘-ı sadr-ı kitâb hazretleri sagīre-i mezbûre Hadîce’ye mâl-ı müntakılından yevmî altmış akçe ve akārı icâresinden yirmi yedi akçe cem‘an seksen yedi akçe nafaka ve kisve-baha farz ve takdîr buyurup meblağ-ı mezbûru levâzım-ı sagīre-i mezbûreye harc u sarfa ve inde’z-zarûre istidâneye vasiyy-i mezbûra izin [birle] mâ vaka‘a bi’t-taleb ketb şüd. Fî-gurreti Receb sene 1143. Şuhûdü’l-hâl: el-Hâc Mehmed b. el-Hâc Ahmed, el-Hâc Ali b. Mehmed, Süleyman Ağa b. İbrahim, İsmail Ağa b. Hüseyin