Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 325 Hüküm no: 259 Orijinal metin no: [58a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emetullah ve Ayşe hatunların kendilerine miras kalan Lütfi adlı cariyeyi azat ettikleri Kezâlik akd-i meclis-i şer‘-i şerîf ettikde müteveffâ-yı mezbûrun verâseti zevce-i menkûha-i metrûkesi Emetullah Hatun bt. Mehmed Ağa ile li-ebeveyn kız karındaşı Âişe Hatun’a münhasıra oldukdan sonra zâtları ta‘rîf-i şer‘î ile mu‘arrefe olan mezbûretân Emetullah Hatun ve Âişe Hatun meclis-i ma‘kūd-ı mezkûrda her biri takrîr-i kelâm ve ta‘bîr ani’l-merâm edip rıkk-ı sâbıkını mu‘terife işbu uzun boylu kara kaşlı kara gözlü Zenciyyetü’l-asl Müslimetü’l-millet bâ‘isetü’l-kitâb Lütfi bt. Abdullah müteveffâ-yı mezbûrun ile’l-vefât yedinde câriye-i memlûkesi olup ba‘de-vefâtihî bi’l-irsi’ş-şer‘î bize intikāl etmeğin mevsûfe-i mezbûre Lütfi bt. Abdullah’ı hasbeten lillâhi’l-aliyyi’l-alîm ve taleben li-merzâti rabbi’r-rahîm mâlımızdan tahrîr ve i‘tâk ve silk-i harâir-i asliyâta idrâc ve ilhâk eyledik, mevsûfe-i mezbûre Lütfi sâir harâir-i asliyât gibi hürre olup üzerinde velâdan gayrı hakkımız bâkī kalmadı dediklerinde gıbbe’t-tasdîkı’ş-şer‘î mürsel-i mezbûrân. Fi’t-târîhi’l-mezbûr li-seneti’l-merkūme. Eş-Şâhidûnü’s-sâbıkūn