Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 336 Hüküm no: 266 Orijinal metin no: [59a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hanife Hatun’un terekeden hakkını aldığı Kezâlik isâbeti tahakkukundan sonra zâtı mu‘arrifân-ı mezbûrân ta‘rîfleriyle mu‘arrefe olan zevce-i mezbûre Hanife Hatun bt. Abdullah meclis-i ma‘kūd-ı mezbûrda vasiyy-i mezbûr Osman Çelebi b. Abdurrahman mahzarında ikrâr eder, zevcim müteveffâ-yı mezbûrun terekesi tahrîr ve ba‘de-ihrâci’l-masârıf ve’s-sülüs ber-mûceb-i defter-i kassâm-ı askerî tashîh-i mezbûr üzere sümün hisseme isâbet eden bir yük yirmi bir bin altı yüz otuz altı akçe ile mehr-i müeccel-i müsbetem olan on iki bin akçe ki cem‘an bir yük otuz üç bin altı yüz otuz altı akçeyi tereke-i müteveffâ-yı mezbûrdan olmak üzere vasiyy-i mezbûr bana def‘ u teslîm, ben dahi yedinden bi’t-tamâm alıp kabz eyledim, fîmâ-ba‘d zevcim müteveffâ-yı mezbûrun eşyâ ve nukūd ve boya semenlerinden zimem-i nâsdan mâ‘adâ dâhil ve hâric ez-defter kalîl ü kesîr ve celîl ü hakīr terekesine müte‘allıka âmme-i da‘vâdan vasiyy-i mezbûrun zimmetini ibrâ-i âm ile ibrâ ve ıskāt eyledim dedikde ilâ-âhırihî. Fi’t-târîhi’l-mezbûr li-seneti’l-mezbûre. Şâhidûn-ı mezbûrûn