Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 344 Hüküm no: 275 Orijinal metin no: [61a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatıma Hatun’un terekesi Mahmiye-i İstanbul’da Kızılminâre mahâllesinde sâkine iken bundan akdem vefât eden Fâtıma Hatun bt. Mehmed Efendi’nin verâseti zevc-i metrûkü Hüseyin Çavuş Ağa b. İbrahim ile vâlidesi Âişe Hatun bt. Mustafa’ya münhasıra olduğu şer‘an zâhir oldukdan sonra mezbûrân Hüseyin Çavuş Ağa ve Âişe Hatun taleb ve ma‘rifetleriyle tahrîr ve taksîm olunan tereke-i müteveffât-ı mezbûredir ki ber-vech-i âtî zikr olunur. Fî 6 min-Recebi’l-ferd sene 1143. Sandık 80 akçe Sırma cübbe kürk 240 akçe Cedîd peştemâl ve gömlek 480 akçe Köhne anteri 80 akçe Köhne döşeme ve havlu 2 100 akçe Boğça ve havlu 2 ve peştemâl 150 akçe Don gömlek 5 400 akçe Çuka ferâce 300 akçe Köhne alaca keremsûd ve anteri 600 akçe Bez parçası 30 akçe Âbdest makrama 15 akçe Keten bezi 150 akçe Köhne çarşeb 3 240 akçe Köhne al yemenî 6 60 akçe Yemenî yasdık 3, minder 2, beylik çuka 600 akçe Orta keçesi 60 akçe Sagīr sandık 45 akçe Baş yemenî 60 akçe Köhne yemenî yorgan, 4 480 akçe Köhne alaca yorgan 150 akçe Evânî-i nühâsiye, 9 kıyye fî: 110 990 akçe Hırdavât-ı menzil 120 akçe Zümrüd küpe 6.000 akçe Yekûn: 11.520 akçe. #&# Mehr-i müeccel der-zimmet-i zevci’l-mezbûr 600 akçe Bey‘ olunan mülk arsa der-mahâlle-i mezbûre Ali Paşa der-kurb-i Karagümrük ber-vech-i tahmîn 18.000 akçe Yekûn: 30.120 akçe. Minhe’l-ihrâcât Deyn-i müsbet-i merkūme Âişe Hatun 6.000 akçe Deyn-i müsbet-i Şahbaz Hatun 1.800 akçe Deyn-i müsbet-i Zeyneb Hatun 1.200 akçe Deyn-i müsbet-i bakkāl zimmî 1.200 akçe Iskāt-ı salât ve tabh-ı ta‘âm ber-mûceb-i vasiyet 6.000 akçe Yekûnü’l-ihrâcât: 16.200 akçe. Sahhü’l-bâkī: 13.920 akçe. [61b] Hissetü’z-zevci’l-mezbûr 6.960 akçe Hissetü’l-ümmi’l-merkūme 6.960 akçe Mezbûrân Hüseyin Çavuş Ağa ve Âişe Hatun bâlâda hisseleri olan altışar bin dokuz yüz altmışar akçeyi her biri tamâmen ahz u kabz edip tereke-i müteveffât-ı mezbûra müte‘allıka âmme-i da‘vâdan her biri âharın zimmetini ibrâ-i âmm-ı kātı‘ü’n-nizâ‘ ile ibrâ ve ıskāt eyledikleri bu mahâlle şerh verildi. Şuhûdü’l-hâl: Hâfız Mustafa Efendi, Salih Efendi b. Abdülbaki, el-Hâc Abdullah b. Mehmed, Berber Mehmed Çelebi b. İbrahim