Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 349 Hüküm no: 282 Orijinal metin no: [62b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sarraf Mustafa Ağa’nın vefat eden İshak Ağa’da alacağı olduğu Kezâlik akd-i meclis-i şer‘-i şerîf ettikde mahmiye-i mezbûre gümrüğünde sarrâf bâ‘isü’l-kitâb Mustafa Ağa b. el-Hâc Osman meclis-i ma‘kūd-ı mezkûrda müteveffâ-yı mezbûrun zevce-i menkûha-i metrûkesi ve sulbî sagīr oğlu Abdülkadir ve sulbiye sagīre kızı Saliha’nın vâlideleri ve tesviye-i emrlerine kıbel-i şer‘den mansûbe vasiyyeleri olmağla tereke-i müteveffâ-yı mezbûra bi’l-verâse ve bi’l-vesâye vâzı‘atü’l-yed olan Âişe Hatun bt. Mehmed tarafından husûs-ı âti’l-beyana vekîl-i müsecceli olan Ahmed Ağa b. Mehmed ile müteveffâ-yı mezbûrun vâlidesi olup zâtı ta‘rîf-i şer‘î ile mu‘arrefe olan diğer Âişe Hatun bt. Lütfullah mahzarlarında üzerlerine da‘vâ ve takrîr-i kelâm edip müteveffâ-yı mezbûr İshak Ağa b. Ali b. İshak zimmetinde cihet-i deyn-i şer‘îden elli guruş hakkım olup hattâ müteveffâ-yı mezbûr hâl-i kemâl-i sıhhatinde fevtinden iki buçuk sene mukaddem meblağ-ı mezbûr cihet-i merkūmeden zimmetinde bana vâcibü’l-edâ deyni olduğunu huzûr-ı Müslimînde ikrâr ve işhâd edip kable’l-edâ fevt olmağla terekesinden taleb ederim, suâl olunsun dedikde gıbbe’s-suâl ve’l-inkâr müdde‘î-i mezbûrdan müdde‘âsına beyyine taleb olundukda udûl-i ahrâr-ı ricâl-i Müslimînden el-Hâc Ahmed Efendi b. el-Hâc Mehmed ve Ahmed Ağa b. Mehmed li-ecli’ş-şehâde meclis-i ma‘kūd-ı mezkûra hâzırân olup isre’l-istişhâd fi’l-hakīka müteveffâ-yı mezbûr İshak Ağa b. Ali b. İshak hâl-i kemâl-i sıhhatinde fevtinden iki buçuk sene mukaddem işbu müdde‘î-i mezbûr Sarrâf Mustafa Ağa’ya cihet-i deyn-i şer‘îden elli guruş zimmetinde vâcibü’l-edâ deyni olduğunu huzûrumuzda ikrâr ve bizi işhâd eyledi ilâ-âhırihî. Fi’t-târîhi’l-mezbûr li-seneti’l-merkūme. Eş-şâhidûnü’s-sâbıkūn