Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 364 Hüküm no: 293 Orijinal metin no: [65a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdi Efendi’nin vefat eden Ali Efendi’nin oğlu Hasan üzerine vasi tayini Mahmiye-i İstanbul’da Ereğli mahâllesinde sâkin iken bundan akdem vefât eden Ali Efendi b. Hasan’ın sulbî sagīr oğlu Ahmed’in tesviye-i emrlerine kıbel-i şer‘-i enverden bir vasî nasbı lâzım ve mühim olmağın emânet ve istikāmet ile mevsûf ve diyânet ile mevsûf ve her vechile vesâyet uhdesinden gelmeğe kādir idiği zeyl-i kitâbda muharrerü’l-esâmi Müslimîn haberleriyle lede’ş-şer‘i’ş-şerîf zâhir ve mukarrer olan işbu bâ‘isü’l-kitâb el-Hâc Abdi Efendi b. el-Hâc Abdullah’ı hâkim-i muvakkı‘-ı sadr-ı kitâb tûbâ-lehû ve hüsnü-meâb efendi hazretleri sagīr-i mezbûr Ahmed’in tesviye-i umûruna vasî nasb u ta‘yîn buyurdukda ol dahi vesâyet-i mezkûreyi kabûl ve hizmet-i lâzımesini kemâ-yenbağī edâya ta‘ahhüd ve iltizâm etmeğin mâ vaka‘a bi’t-taleb ketb olundu. Fî 10 min-Recebi’l-ferd sene 1143. Şuhûdü’l-hâl: Fahrü’l-küttâb Mehmed Efendi b. İbrahim, Mustafa Efendi b. İbrahim, İbrahim Çelebi b. Halil, el-Hâc İbrahim b. Abdullah, Ali Çelebi b. Hasan