Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 374 Hüküm no: 302 Orijinal metin no: [67a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Ketenci Mehmed’in terekesi Mahmiye-i İstanbul’da Sarı Timur mahâllesinde sâkin iken bundan akdem vefât eden Kettânî Beşiktaşlı el-Hâc Mehmed b. Şaban’ın verâseti vâlidesi Âişe Hatun bt. Abd[ullah] ile sulbî sagīr oğulları İbrahim ve İsmail ve Halil’e münhasıra olduğu şer‘an zâhir ve mukarrer oldukdan sonra ba‘dehû sagīre-i mezbûre Âişe dahi vefât edip verâseti oğulları sıgār-ı mezbûrûn İbrahim ve İsmail ve Halil’e münhasıra olduğu şer‘an zâhir oldukdan sonra sıgār-ı mezbûrûnun tesviye-i emrlerine vasiyy-i muhtârları mezbûr el-Hâc Ali taleb ve ma‘rifetleriyle tahrîr ve taksîm olunan tereke-i müteveffât-ı mezbûredir ki ber-vech-i âtî zikr olunur. Fî 12 min-Receb sene 1143. Sîm kuşak 390 akçe Kem-ayyâr altın bilezik 1.947 akçe Tencere 300 akçe Seferî leğen 120 akçe Lengerî 60 akçe Kurade el ibriği 60 akçe Lengerî 2 ve kefçe 120 akçe Sahan 60 akçe Müteveffât-ı mezbûrenin oğlu müteveffâ el-Hâc Mehmed’den isâbet eden ber-mûceb-i defter-i mezbûr vasiyy-i mezbûr yedinde olan 3.807 akçe Yekûn: 6.864 akçe Minhe’l-ihrâcât Techîz ve tekfîn ve ıskāt-ı salât 2.477 akçe Resm-i âdî 100 akçe Kaydiye 15 akçe Yekûn: 2.592 akçe Sahhü’l-bâkī: 4.272 Hissetü’l-mezbûr İbrahim 1.424 akçe Hissetü’l-mezbûr İsmail 1.424 akçe Hissetü’l-mezbûr Halil 1.424 akçe Ba‘dehû sagīr-i mezbûr Halil dahi vefât edip verâseti vâlidesi Hadîce Hatun bt. Abdullah ile li-ebeveyn karındaşları mezbûrân İbrahim ve İsmail’e münhasıra olduğu şer‘an zâhir oldukdan sonra sagīrân-ı mezbûrânın vasiyy-i muhtârları mezbûr el-Hâc Ali ve mezbûre Hadîce Hatun taleb ve ma‘rifetleriyle taksîm olunan hisse-i müntakılesidir ki ber-vech-i âtî zikr olunur. Fi’t-târîhi’l-mezbûr li-seneti’l-merkūme. Müteveffâ-yı mezbûrun babası müteveffâ-yı mezbûrdan müntakil ber-mûceb-i defter hissesi: 6.346 akçe. [67b] Ba‘dehû büyük vâlidesinden ber-mûceb-i defter hissesi: 1.424 akçe. Yevmî on üçer akçeden yirmi dört ayda ketenci dükkânından hissesi: 9.360 akçe. Yekûn: 17.130 akçe Minhe’l-ihrâcât Techîz, tekfîn 900 akçe Yevmî onar akçeden bâ-hüccet-i şer‘iyye yirmi dört ayda nafakası 7.200 akçe Müddet-i mezbûrede kisvesine sarf olunan 3.135 akçe Resm-i âdî 120 akçe Kaydiye 15 akçe Yekûn: 11.370 akçe Sahhü’l-bâkī: 5.760 akçe Hissetü’l-ümmi’l-mezbûre 960 akçe Hissetü’l-eh li-ebeveyni’l-mezbûr 2.400 akçe Hissetü’l-eh li-ebeveyni’l-mezbûr 2.400 akçe Ba‘dehû sagīr-i mezbûr İsmail dahi vefât edip verâseti vâlidesi mezbûre Hadîce Hatun ile li-ebeveyn karındaşı sagīr-i mezbûr İbrahim’e münhasıra olduğu şer‘an zâhir ve mütehakkık oldukdan sonra sagīr-i mezbûrun tesviye-i umûruna vasiyy-i muhtârı mezbûr el-Hâc Ali ile mezbûre Hadîce Hatun taleb ve ma‘rifetleriyle taksîm olunan hisse-i müntakılesidir ki ber-vech-i âtî zikr olunur. Fi’t-târîhi’l-mezbûr li-seneti’l-merkūme. Sagīr müteveffâ-yı mezbûrun ber-mûceb-i defter babasından müntakil hissesi 6.346 akçe Ba‘dehû vefât eden büyük vâlidesinden isâbet eden hissesi 1.424 akçe Ba‘dehâ vefât eden mezbûr Halil’den hissesi 2.400 akçe Yevmî on üçer akçeden yirmi dört ayda ketenci dükkânından alınan hissesi 9.360 akçe Yekûn: 19.530 akçe Minhe’l-ihrâcât Techîz, tekfîn 1.030 akçe Yevmî on üçer akçeden bâ-hüccet-i şer‘iyye yirmi dört ayda nafakasına masrûf 7.200 akçe Müddet-i mezbûrede kisvesine sarf olunan 3.135 akçe Resm-i âdî 200 akçe Kaydiye 15 akçe Yekûn: 11.580 akçe Sahhü’l-bâkī: 7.950 Hissetü’l-ümmi’l-mezbûre 2.650 akçe Hissetü’l-eh li-ebeveyni’l-mezbûr 5.300 akçe