Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 376 Hüküm no: 303 Orijinal metin no: [67b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ketenci Mehmed’in oğlu İbrahim’in vasisi Ali’nin muhasebe defteri Mahmiye-i İstanbul’da Sarı Timur mahâllesinde sâkin iken bundan akdem vefât eden Kettânî el-Hâc Mehmed b. Şaban’ın sulbî sagīr oğlu İbrahim’in tesviye-i umûruna bâ-hüccet-i şer‘iyye vasiyy-i muhtârı el-Hâc Ali b. Ahmed’in bin yüz kırk bir senesi Şa‘bân-ı şerîfi gurresinden bin yüz kırk üç senesi Receb-i şerîfi gāyetine gelince yirmi dört ayda vasiyy-i mezbûrun makbûz ve masrûfunun görülen hesâbı defteridir ki ber-vech-i âtî zikr olunur. Fî 2 min-Receb sene 1143. Sagīr-i mezbûr İbrahim’in babası müteveffâ-yı mezbûrdan müntakil be-mûceb-i defter hissesi 6.346 akçe Ba‘dehû fevt olan büyük vâlidesi Âişe Hatun’dan isâbet eden hissesi 1.424 akçe Ba‘dehâ fevt olan li-ebeveyn karındaşı Ali’den isâbet eden hissesi 2.400 akçe Ba‘dehû fevt olan li-ebeveyn karındaşı İsmail’den isâbet eden hissesi 5.300 akçe Müddet-i mezbûrede yevmî on üçer akçeden ketenci dükkânından hâsıl olan icâreden hissesi 9.310 akçe Yekûn: 24.830 akçe Minhe’l-ihrâcât Yevmî onar akçeden müddet-i mezbûrede sagīr-i mezbûrun nafakasına masrûf 7.200 akçe Müddet-i mezbûrede kisvesine sarf olunan 3.135 akçe Babası müteveffâ-yı mezbûrdan intikāl eden ketenci dükkânı intikāline verilen 2.490 akçe Harc-ı muhâsebe 150 akçe Kalemiye 60 akçe Kaydiye 15 akçe Yekûn: 13.050 akçe Sahhü’l-bâkī, bi-yedi’l-vasî: 11.780 akçe