Bab Mahkemesi 54 Numaralı Sicil (H. 1102 / M. 1691) cilt: 20, sayfa: 99 Hüküm no: 70 Orijinal metin no: [11b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hacı Hüseyin b. Mustafa’nın kölesi Şahin’i mükâtebe yoluyla azat etmesi Mahmiye-i İstanbul’da Toklu Dede mahallesi sükkânından el-Hâc Hüseyin b. Mustafa nâm kimesne meclis-i şer‘-i şerîf-i enverde, kendisine rıkkını i‘tirâf eden işbu orta boylu, çatık kaşlı, sarı elâ gözlü Rûsiyyetü’l-asl Şahin b. Abdullah nâm abd-i memlûkü mahzarında ikrâr ve takrîr-i kelâm edip, mevsûf-ı mezbûr Şahin’i târih-i kitâbdan bir sene tamâmına değin hizmet etmek üzre kitâbete kat‘ eylediğimden sonra ol dahi kitâbet-i merkūmu ba‘de’l-kabûl mevsûf-ı mezbûr müddet-i madrûbe tamâmından sonra sâir ahrâr-ı asliyyîn gibi hür olsun dedikde, gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’l-yevmi’s-sâdis ve’l-ışrîn min Cemâziyelevvel sene 1102. Şuhûdü’l-hâl: Ahmed Çelebi b. Abdullah, Ahmed Çelebi b. Mahmud, Ramazan Çelebi b. Mehmed, el-Hâc Receb Ağa b. ( ), Usta Mehmed b. ( ), el-Hâc İsmail b. Ahmed.