Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 380 Hüküm no: 307 Orijinal metin no: [68b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zeliha adlı küçük kızın vasisi Ahmed Ağa üzerine Mustafa Efendi’nin nazır tayin edildiği Havâss-ı Refî‘a muzâfâtından Hasköy kasabasına tâbi‘ Südlüce’de Mehmed Ağa mahâllesinde sâkin iken bundan akdem vefât eden Hammâmî Mustafa Ağa b. Mehmed’in sulbiye sagīre kızı Zeliha’nın tesviye-i umûruna bâ-hüccet-i şer‘iyye vasiyy-i şer‘îsi Ahmed Ağa b. Mehmed’in üzerine cânib-i şer‘îden bir nâzır nasbı lâzım ve mühim olmağın her vechile nezâret uhdesinden gelmeğe kādir idiği lede’ş-şer‘i’ş-şerîf zâhir olan hâfizü’l-kitâb umdetü’l-kuzât Mustafa Efendi b. el-Hâc Ahmed’i hâkim-i muvakkı‘-ı sadr-ı kitâb tûbâ-lehû ve hüsnü-meâb efendi hazretleri vasiyy-i mezbûrun üzerine hasbî nâzır nasb u ta‘yîn buyurduklarında ol dahi nezâret-i mezbûreyi kabûl ve merâsimini edâya ta‘ahhüd ve iltizâm etmeğin mâ vaka‘a bi’t-taleb ketb olundu. Fî 15 min-Recebi’l-ferd sene 1143. Şuhûdü’l-hâl: Fahrü’l-müderrisîn Mektûbî Ebubekir, Zahru’l-müderrisîn Ali Efendi b. Mehmed, İbrahim Efendi, Ebubekir Efendi, Ahmed Çelebi b. ( )