Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 401 Hüküm no: 331 Orijinal metin no: [73b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Gülbuy Hatun’un terekesi Mahmiye-i İstanbul’da Peykhâne kurbünde Uzun Şücâ‘ mahâllesinde sâkine iken bundan akdem vefât eden Gülbuy Hatun bt. Abdullah’ın zâhirde vâris-i ma‘rûfu olmayıp terekesi cânib-i beytülmala âid olmağla mahmiye-i mezbûrede bi’l-fi‘il beytülmalı’l-hâs emîni fahrü’l-akrân es-Seyyid Mustafa Ağa b. el-Hâc Ahmed ba‘de’l-kabz müteveffât-ı mezbûrenin vesâyâsını tenfîze ve bâkīsini vilâyet-i Anadolu’da Develi kasabasında sâkin kendüyü i‘tâk eden Kara el-Hâc Ahmed’in li-ebeveyn er karındaşı ve usûbet-i nesebiye cihetinden vârisi Hasan Beşe b. Mehmed’e îsâle İsmail Çelebi b. Nasuh emîn-i mûmâ-ileyh muvâcehesinde vasiyy-i muhtârı olduğunu ba‘de’l-isbât mezbûr İsmail Çelebi taleb ve ma‘rifetiyle tahrîr ve defter olunan tereke-i müteveffât-ı mezbûredir ki ber-vech-i âtî zikr olunur. Fî 20 min-Recebi’l-ferd sene 1143. Köhne minder, sandık 40 akçe Çarşeb 2 30 akçe Don ve anteri 120 akçe Def‘a çarşeb 30 akçe Peşkir, serpûş 30 akçe Köhne ferâce 40 akçe Boğça, peşkir, çarşeb 80 akçe Hamam gömleği 50 akçe Def‘a köhne ferâce 90 akçe Yemenî mak‘ad 3 200 akçe Gömlek ve bez parçası 100 akçe Def‘a peşkir 80 akçe Hatâî ve Edirne şâhî kaftan 400 akçe Def‘a serpûş 15 akçe Çarşeb, boğça, yemenî 2 80 akçe Çözülmüş iplik 200 akçe Sarı çuka sincab kürk 720 akçe Kapsız sincab kürk 240 akçe Kaliçe seccâde 100 akçe Yemenî köhne yorgan ve kebe 10 2.000 akçe Köhne beledî yasdık 6 400 akçe Kadife yasdık 10 1.600 akçe Def‘a yorgan 100 akçe Minder-i sagīr 6 800 akçe Köhne döşek 240 akçe Orta keçesi 1, yan 2 480 akçe [74a] Kilim 4, velence ihrâm 2 700 akçe Mir’ât, 2 200 akçe Beyaz ihrâm 2 40 akçe Tencere 6, kapak 6 1.000 akçe Leğen 2, ibrik 2 360 akçe Sahan 6, kapak 2 400 akçe Sagīr na‘lbeki 4 100 akçe Tas 4 200 akçe Tâbe 2 120 akçe Kefçe, sini 2 500 akçe Kahve ibriği 21 akçe Âbdest leğeni 240 akçe Bakraç 2 200 akçe Süzgü, sahan 100 akçe Kapı perde köhne 4 200 akçe Güğüm 180 akçe Şam‘dân 2 40 akçe Pirinç buhurdan 45 akçe Sagīr sîm kuşak 200 akçe Def‘a minder 2 180 akçe Köhne ferâce 240 akçe Tuç havan 240 akçe Tek altın bilezik, miskāl 4.320 akçe Hırdavât 1.200 akçe Yekûn: 20.171 akçe Minhe’l-ihrâcât Techîz ve tekfîn 1.800 akçe Resm-i âdî ve kassâmiye 450 akçe Dellâliye-i eşyâ 400 akçe Tahlîs-i beytülmal 2.400 akçe Kaydiye-i defter 30 akçe Yekûn: 5.080 akçe Sahhü’l-bâkī: 15.091 akçe Minhe’s-sülüs ber-mûceb-i defter: 5.030 akçe Sahhü’l-bâkī bi-yedi’l-vasî li’l-vârisi’l-merkūm: 10.061 akçe