.:: İstanbul Kadı Sicilleri ::.


Kısmet-i Askeriye Mahkemesi 59 Numaralı Sicil (H. 1143 / M. 1730-1731)
cilt: 64, sayfa: 410
Hüküm no: 339
Orijinal metin no: [75b-1]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Vefat eden Edhemzade Mehmed’in Bezzazistan-ı atik mustahfızlarına emanet olarak bıraktığı kilitli sandıktaki eşyanın listesi

Fi’l-asl medîne-i Amid mahâllâtından el-Hâc Osman mahâllesi sükkânından olup bundan akdem hacc-ı şerîfde fevt olan Edhemzâde demekle ma‘rûf es-Seyyid el-Hâc Mehmed b. Mahmud b. Edhem nâm müteveffânın verâseti zevce-i menkûha-i metrûkesi Âişe bt. Ömer ile sulbiye kebîre kızı Asiye ve sulbî oğlu Abdullah’ın kebîr oğlu Seyyid Ahmed’e ve sulbî oğlu Mustafa’nın oğlu Seyyid Sunullah nâm sagīre münhasıra olduğu şer‘an zâhir ve mukarrer oldukdan sonra derûn-ı defterde mezkûr es-Seyyid Ahmed Çelebi asâleten ve zevce-i mezbûre Âişe Hatun bt. Ömer tarafından vekîli mezbûr es-Seyyid Ahmed dahi vekâleten ve mezbûre Asiye Hatun’un zevci ve tarafından bâ-hüccet-i şer‘iyye vekîli ve sagīr-i mezbûr Sunullah’ın hisse-i mevkūfesini ahz u kabz ve zabt u hıfza vasî ve kayyım nasb olunan el-Hâc Mustafa b. Yusuf ve mezbûr es-Seyyid Ahmed Çelebi taleb ve ma‘rifetleriyle müteveffâ-yı mezbûrun mahmiye-i İstanbul’da Bezzâzistân-ı atik müstahfızlarına memhûr ve mukaffel emânet vaz‘ eylediği sandık içinde zuhûr eden nukūdudur ki ber-vech-i âtî zikr olunur.

Fî 23 min-Recebi’l-ferd sene 1143.

Yaldız altını 120, fî 334 140.280 akçe Cedîd altın 120, fî 420 50.400 akçe Zolata guruşu mahlût 25.000 akçe

Yekûn: 215.680 akçe

Minhâ

Resm-i âdî 5.160 akçe Harc-ı hüccet-i nafaka, 5 kıt‘a 2.400 akçe Ücret-i bezzâzistân 600 akçe Masârıf-ı sâire 480 akçe Kaydiye 30 akçe

Yekûn: 8.670 akçe

Sahhü’l-bâkī: 207.010 akçe

Hissetü’z-zevceti’l-mezbûre 25.876 akçe Hissetü’l-binti’l-mezbûre 103.505 akçe Hissetü’l-ibn es-Seyyid Ahmed 38.814 akçe Hissetü’l-ibn Sunullah 38.814 akçe Kesr 1 akçe