Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 433 Hüküm no: 361 Orijinal metin no: [80b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Ağa’nın kızı Rukıye’nin vasisi Süleyman’ın hesap defteri Mahrûse-i Edirne mahâllâtından Kasab Abdülaziz mahâllesinde sâkin iken bundan akdem vefât eden Ahmed Ağa b. Ali’nin sulbiye sagīre kızı Rukıye’nin bâ-hüccet-i şer‘iyye vasiyy-i mansûbu olup mahmiye-i İstanbul’da Süleymaniye mahâllesinde sâkin Süleyman Ağa b. Ahmed’in üzerine hasbî nâzıresi sagīre-i mezbûrenin vâlidesi Ümmügülsüm Hatun bt. Mustafa talebiyle bin yüz kırk iki senesi şehr-i Rebî‘ülâhire’sinin altıncı gününden bin yüz kırk üç senesi Recebi’l-ferdi’nin yirmi sekizinci gününe gelince on beş ve yirmi iki günde vasiyy-i mûmâ-ileyhin görülen hesâbı defteridir ki ber-vech-i âtî zikr olunur. Fî 29 min-Receb sene 1143. Ber-mûceb-i defter-i muhâsebe hisse-i müntakıle-i sagīre-i mezbûre Rukıye 500.411 akçe Müddet-i mezbûrede sagīre-i mezbûrenin ulûfesinden makbûz-ı vasiyy-i mezbûr 6.425 akçe Müddet-i mezbûrede murâbahâtdan makbûz-ı vasiyy-i mezbûr 4.415 akçe Cem‘an yekûn: 511.251 akçe. 000.415 akçe. Harc-ı defter ve hademe ihrâc şüd. 510.836 akçe. Meblağ-ı sahhü’l-bâkī mezbûr beş yük on bin sekiz yüz otuz altı akçenin dört yük elli iki bin dört yüz akçesi iki kıt‘a hüccet-i şer‘iyye mûcebince sagīre-i mezbûrenin vâlidesi mezbûre Ümmügülsüm Hatun zimmetinde olup ve elli sekiz bin dört yüz otuz altı akçesi vasiyy-i mûmâ-ileyh Süleyman Ağa yedinde olduğu işbu mahâlle şerh verildi.