Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 440 Hüküm no: 369 Orijinal metin no: [82a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ayşe Hatun’un vefatıyla kızı Fatıma’ya nafaka takdiri Mahmiye-i İstanbul’da Defterdâr Ahmed Çelebi mahâllesinde sâkine iken bundan akdem vefât eden Âişe Hatun bt. el-Hâc Mustafa’nın sadriye sagīre kızı Fâtıma’nın babası ve velîsi ve tesviye-i umûruna bâ-hüccet-i şer‘iyye mansûb vasîsi işbu bâ‘isü’l-kitâb mekteb hocası es-Seyyid Hasan Efendi b. es-Seyyid Mustafa talebiyle hâkim-i muvakkı‘-ı sadr-ı kitâb bi-tevkī‘ihi’r-refî‘i’l-müstetâb tûbâ-lehû ve hüsnü-meâb efendi hazretleri sagīre-i mezbûre Fâtıma’nın vâlidesi müteveffât-ı mezbûreden müntakil mâlından beher yevm ikişer para nafaka ve kisve-baha farz ve takdîr buyurup meblağ-ı mefrûz-ı mezbûr yevmî iki parayı sagīre-i mezbûrenin nafaka ve kisve ve sâir levâzım-ı zarûriyesine harc u sarfa ve vakt-i hâcetde istidâneye ve lede’z-zafer sagīre-i mezbûrenin mâlına rücû‘a vasiyy-i mezbûr es-Seyyid Hasan Efendi’ye izin verilmeğin mâ vaka‘a bi’t-taleb ketb olundu. Fî 15 min-Recebi’l-ferd sene 1143. Şuhûdü’l-hâl: Halil Efendi İmamzâde, Mustafa Çelebi b. el-Hâc Hasan muhzır, Ahmed Çelebi b. Hasan, İbrahim Efendi b. Abdullah, Abdullah Çelebi b. ( )