Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 441 Hüküm no: 370 Orijinal metin no: [82a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Efendi’nin vefatıyla oğlu Salih Ağa’ya nafaka takdiri Mahmiye-i İstanbul’da Kabasakal mahâllesinde sâkin iken bundan akdem vefât eden Başmuhâsebeci Bosnavî el-Hâc Mehmed Efendi b. Zülfikar’ın sulbî sagīr oğlu Salih Ağa’nın üvey vâlidesi ve tesviye-i umûruna bâ-hüccet-i şer‘iyye vasiyye-i muhtâresi olan işbu bâ‘isetü’l-kitâb Saraylı Bahtiyar Hatun bt. Abdullah talebiyle hâkim-i muvakkı‘-ı sadr-ı kitâb bi-tevkī‘ihi’r-refî‘i’l-müstetâb tûbâ-lehû ve hüsnü-meâb efendi hazretleri sagīr-i mezbûr Salih Ağa’ya ulûfesinden ve akārâtı icârelerinden târîh-i kitâbdan beher yevm altmış akçe nafaka ve kisve-baha farz ve takdîr buyurup meblağ-ı mefrûz-ı mezbûr yevmî altmış akçeyi sagīr-i mezbûr Salih Ağa’nın nafaka ve kisve-baha ve sâir levâzım-ı zarûriyesine harc u sarfa ve vakt-i hâcetde istidâneye ve lede’z-zafer mâlına rücû‘a mezbûr Bahtiyar Hatun’a izin birle mâ vaka‘a bi’t-taleb ketb olundu. Fî-gurreti Recebi’l-ferd sene 1143. Şuhûdü’l-hâl: Mustafa Efendi b. el-Hâc Mehmed, Ali Çelebi b. İbrahim, Musa Ağa b. el-Hâc Mehmed Ağa, el-Hâc Mehmed Ağa b. Musa, Mustafa Çelebi b. Hüseyin, el-Hâc Mehmed Ağa b. Ali, Ahmed Çelebi b. İbrahim, Hasan Ağa b. Mehmed