Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 443 Hüküm no: 373 Orijinal metin no: [82b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zeynep Hatun’un terekesi Mahmiye-i İstanbul’da Kādıasker Mehmed Efendi mahâllesinde sâkine iken bundan akdem vefât eden Zeyneb Hatun bt. Mehmed Çelebi’nin verâseti zevc-i metrûkü Mustafa Çelebi b. Hasan Beşe ile babası mezbûr Mehmed Çelebi b. el-Hâc Ali’ye ve vâlidesi Hamide Hatun bt. Abdullah’a ve sadriye kebîre kızları Fâtıma Hatun ve Afife Hatun ve Rukıye Hatun’a münhasıra ve tashîh-i meselesi kırk beş sehmden olup sihâm-ı mezbûrenin dokuz sehmi zevci mezbûra ve altı sehmi babası mezbûra ve altı sehmi anası mezbûra ve sekiz sehmi kızları mezbûretândan her birine isâbeti tahakkukundan sonra zevci mezbûr Mustafa Çelebi ile babası mezbûr Mehmed Çelebi ve mezbûre Fâtıma’nın zevci ve tarafından vekîl-i müsecceli Ahmed Çelebi b. ( ) ve mezbûretân Afife Hatun ve Rukıye Hatun’un min-kıbeli’l-üm cedleri ve taraflarından kezâlik vekîlleri mezbûr Mehmed Çelebi taleb ve ma‘rifetleriyle tahrîr ve beyne’l-verese taksîm olunan tereke-i müteveffât-ı mezbûredir ki ber-vech-i âtî zikr olunur. Fî 4 min-Şa‘bâni’l-mu‘azzam sene 1143. Orta ve yan keçesi 2 960 akçe Seccâde ve çuka mak‘ad 360 akçe Def‘a orta keçesi 1.390 akçe Yemenî yorgan bâ-çarşeb 2 600 akçe Dikme yorgan 1.320 akçe Sandal işleme yorgan 550 akçe Satrancî yorgan 630 akçe Yemenî yorgan ve kebe 370 akçe Çatma yasdık 4 1.400 akçe Kadife yasdık bâ-gılâf 5 909 akçe Zenne çuka ferâce 1.110 akçe Tel çekme 800 akçe Telli Hatâyî anteri 615 akçe Telli Hatâyî anteri 730 akçe Keremsûd kaftan 870 akçe Hatâyî ve kutnî anteri 920 akçe [83a] İstanbulî Hatâyî anteri 825 akçe Üstlük 215 akçe Köhne çuka ferâce 400 akçe İnci kuşak bâ-kolan 3.000 akçe Altın bilezik 8.400 akçe Hatâyî katlı kākum kürk 3.000 akçe Hayâtında bey‘ eylediği küpe semeni 1.920 akçe Yün 13 kıyye, [fî] 28 364 akçe Def‘a yün 13 kıyye, [fî] 136 1.768 akçe Sagīr tencere bâ-kapak 159 akçe Sahan 1, tas 2 ve kahve ibriği 340 akçe Tuç sahan 6 345 akçe Leğen, ibrik 230 akçe Şam‘dân, kildân 2, kefçe 2, lenger ve sini 520 akçe Def‘a sagīr tencere bâ-kapak 105 akçe Def‘a sagīr tencere bâ-kapak 120 akçe Kebîr tencere bâ-kapak ve tâbe 460 akçe Mehr-i müeccel der-zimmet-i zevci’l-mezbû[r] 6.000 akçe Yekûn: 41.605 akçe Minhe’l-ihrâcât Resm-i âdî ve kassâmiye ve hüddâmiye 712 akçe Kalemiye 300 akçe Hüddâmiye 150 akçe Dellâliye-i eşyâ 540 akçe Kaydiye 30 akçe Yekûn: 1.732 akçe Sahhü’l-bâkī: 39.873 akçe Hissetü’z-zevci’l-mezbûr 7.974 akçe Hissetü’l-ebi’l-mezbûr 5.316 akçe Hissetü’l-ümmi’l-mezbûre 5.316 akçe Hissetü’l-binti’l-mezbûre 7.088 akçe Hissetü’l-binti’l-mezbûre 7.088 akçe Hissetü’l-binti’l-mezbûre 7.088 akçe