Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 478 Hüküm no: 405 Orijinal metin no: [90b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Hazinedar Mehmed Ağa’nın kızı Hediyetullah’ın vasisi Mustafa Ağa’nın hesap kaydı Mahmiye-i İstanbul’da Hoca Hanı kurbünde Dâye Hatun mahâllesinde sâkin iken bundan akdem vefât eden merhûm Hazînedâr Mehmed Ağa b. Mustafa’nın sulbiye sagīre kızı Hediyetullah’ın tesviye-i umûruna kıbel-i şer‘den mansûb vasîsi fahrü’l-akrân Mustafa Ağa b. Mehmed’in bin yüz kırk iki senesi Zilka‘desinin yirmi beşinci gününden bin yüz kırk üç senesi Recebi’l-ferdi gāyetine gelince sekiz ay beş günlük makbûz ve masrûfunun görülen hesâbı defteridir ki ber-vech-i âtî zikr olunur. Fî 12 min-Şa‘bân sene 1143. Sagīre-i mezbûre Hediyetullah’ın ber-mûceb-i defter-i nâib-i Mahmudpaşa babası müteveffâ-yı mezbûrdan müntakıl hissesi 296.239 akçe Sagīre-i mezbûrenin babası müteveffâ-yı mezbûrun ze‘âmeti mahsûlü bedelinnden ber-mûceb-i defter-i mezbûr hissesi 15.000 akçe Ba‘dehû fevt olan li-ebeveyn karındaşı sagīr Mustafa Çelebi’den ber-mûceb-i defter-i kassâm-ı askerî sagīre-i mezbûrenin hissesine isâbet eden 313.947 akçe Cem‘an yekûn: 625.186 akçe Minhe’l-ihrâcât Sagīre-i mezbûrenin babası müteveffâ-yı mezbûr Hazînedâr Mehmed Ağa’nın ma‘lûmü’l-esâmi kimesnelere dahi sâbık-ı zamânında verilen düyûndan ber-mûceb-i defter-i nâib-i Mahmudpaşa sagīre-i mezbûrenin hissesine isâbet eden 3.600 akçe Sagīre-i mezbûreye bi-izni’ş-şer‘î iştirâ olunup fevt olan Dâye câriye semeni ber-mûceb-i defter-i mezbûr 24.000 akçe Sagīre-i mezbûrenin hîn-i vilâdetinde ber-mûceb-i defter sarf olunan 3.600 akçe Sagīre-i mezbûrenin akīka kurbân semeni ber-mûceb-i defter 480 akçe Fevt olan Dâye câriyenin techîz ve tekfîni ber-mûceb-i defter 840 akçe Dâye Hatun mahâllesinde vâki‘ vakıf menzil icâresi ber-mûceb-i defter-i mezbûr 1.050 akçe Menzil-i mezbûr meremmâtına sarf olunan meblağdan ber-mûceb-i defter-i mezbûr sagīrenin hissesi 810 akçe Beher şehr beşer guruşdan sagīre-i mezbûrenin bâ-hüccet-i şer‘iyye vasiyy-i sâbık zamânında nafakasına sarf olunan ber-mûceb-i defter-i mezbûr 12.600 akçe Sekiz ay beş günde vasiyy-i mezbûr Mustafa Ağa’nın sagīre-i mezbûrenin nafakasına masrûfu 4.900 akçe Sagīre-i mezbûrenin babası Hazînedâr Mehmed Ağa’nın Sarrâf Nehabet zimmîye vasiyy-i mezbûrun bi-tarîkı’s-sulh verdiği iki yüz guruşdan sagīre-i mezbûrenin hissesine lâzım gelen 8.000 akçe Yine menzil-i mezbûrun vakıf icâresine verilen 1.050 akçe Menzil-i mezbûrun ta‘mîrine vasiyy-i mezbûrun masrûfundan hissesine isâbet [91a] eden 3.000 akçe Harc-ı muhâsebe 840 akçe Kalemiye ve hüddâmiye ve kaydiye 360 akçe Yekûnü’l-ihrâcât: 81.230 akçe Sahhü’l-bâkī teslîm bi-yedi’l-vasî: 543.956 akçe