Kısmet-i Askeriye Mahkemesi 59 Numaralı Sicil (H. 1143 / M. 1730-1731) cilt: 64, sayfa: 482 Hüküm no: 408 Orijinal metin no: [91b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Efendi’nin terekesi Mahmiye-i İstanbul’da Altıpoğaça mahâllesinde sâkin iken bundan akdem vefât eden Mehmed Efendi b. Mahmud’un verâseti zevce-i menkûha-i metrûkesi Saliha Hatun bt. Hasan ile sulbiye sagīre kızı Emetullah’a ve li-ebeveyn er karındaşı Mustafa Efendi ve li-ebeveyn kız karındaşları Emine Hatun ve Âişe Hatun’a münhasıra olduğu şer‘an zâhir oldukdan sonra sagīr-i mezbûrun ammi ve tesviye-i umûruna kıbel-i şer‘den mansûb vasîsi mezbûr Mustafa Efendi ve üzerine hasbî nâzıresi sagīre-i mezbûrenin vâlidesi mezbûre Saliha ve mezbûretân Emine ve Âişe taleb ve ma‘rifetleriyle tahrîr ve taksîm olunan tereke-i müteveffâ-yı mezbûrdur ki ber-vech-i âtî zikr olunur. Fî 10 min-Recebi’l-ferd sene 1143. Köhne yemenî mak‘ad 2 203 akçe Köhne nâfe paça kürk 615 akçe Köhne seccâde ve ihrâm 151 akçe Hırdavât 35 akçe Kurt kürkü 30 akçe Köhne yorgan 95 akçe Köhne çakşır 200 akçe Tuç sahan 2 62 akçe Köhne kar keçesi 30 akçe Köhne destâr 20 akçe Yemenî yorgan 311 akçe Köhne yorgan 69 akçe Beledî yasdık 301 akçe İskemle 30 akçe Kırmızı ihrâm 200 akçe Sandık ve hasır 120 akçe Evânî-i nühâs 11 kıyye, fî 151 1.661 akçe Yekûn: 4.243 akçe Müteveffâ-yı mezbûrun fahrü’l-kuzât Mehmed Efendi zimmetinde emânet olan vasiyy-i mezbûr Mustafa Efendi’nin makbûzu: 105 guruş 27 akçe = 12.627 akçe Yekûn-ı eşyâ ve nukūd: 16.870 akçe Minhe’l-ihrâcât Techîz ve tekfîn 1.200 akçe Mehr-i misl-i müsbete li’z-zevceti’l-mezbûre 2.000 akçe Düyûn-ı müteferrika 300 akçe Yekûn: 3.500 akçe Sahhü’l-bâkī: 13.370 akçe Hissetü’z-zevceti’l-mezbûre 1.671 akçe Hissetü’l-binti’l-mezbûre 6.685 akçe Hissetü’l-uhti’l-mezbûre 1.253 akçe Hissetü’l-uhti’l-mezbûre 1.253 akçe Hissetü’l-ahi’l-mezbûr 2.507 akçe