Mahfel-i Şer‘iyyât Mahkemesi 3 Numaralı Sicil (H. 1273-1274 / M. 1857) cilt: 97, sayfa: 35 Hüküm no: 5 Orijinal metin no: [1b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Nesibe Hatun’un Ali Ağa’dan muhalaa usulüyle boşanması İstanbul’da Aksaray kurbünde Oruçgazi mahâllesinde sâkine bâ‘isetü’l-i‘lâm mu‘arrefetü’z-zât Nesibe Hatun bt. Mehmed emîn mahfil-i şer‘iyyâtda zevc-i muhâlı‘ı üserâ celebânından el-Hâc Ali Ağa b. Osman muvâcehesinde mezbûr el-Hâc Ali Ağa yüz elli bir guruş mehr-i müeccel tesmiyesiyle zevc-i dâhilim olup lâkin beynimizde hüsn-i mu‘âşeretimiz olmamağla mezbûrun zimmetinde mütekarrir ve ma‘kūdün-aleyh mehr-i müeccel-i mezkûr hakkım olan yüz elli bir guruş ile nafaka-i iddet-i mu‘ayyene-i ma‘lûmem üzerlerine meûnet-i süknâm dahi kendi üzerime olmak üzere zevcim mezbûr el-Hâc Ali Ağa ile muhâla‘a-i sahîha-i şer‘iyye ile hul‘ olduğumda ol dahi hul‘-ı mezkûru ba‘de’l-kabûl hukūk-ı zevciyete ve ibtidâ-yı zevciyetimizden işbu târîh-i i‘lâma gelince sâir cemî‘ hukūk-ı şer‘iyyeye müte‘allıka âmme-i da‘vâdan tarafeynden her birimiz âharın zimmetini ibrâ-i âmm-ı sahîh-i şer‘î ile ibrâ ve iskāt ve her birimiz ber-vech-i muharrer âharın ibrâsını kabûl [2a] eyledik deyü mukırra-i müdde‘iye-i mezbûre Nesibe Hatun’un sâdır olan bi’l-cümle takrîr-i meşrûhunu mezbûr el-Hâc Ali Ağa tasdîk ve tahkīk eylediği tescîl ve mübâşirleri Bâb-ı zabtiye neferâtından Zağferanborlulu Halil kulları yediyle huzûr-ı [âlîlerine i‘lâm olundu]. Fî 3 B sene [12]73.