Mahfel-i Şer‘iyyât Mahkemesi 3 Numaralı Sicil (H. 1273-1274 / M. 1857) cilt: 97, sayfa: 36 Hüküm no: 6 Orijinal metin no: [2a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice Hatun’un İbrahim Ağa’da olan mehr-i muaccelinin ödenmesi hususunda İbrahim Ağa’ya tenbih olunması İstanbul’da Kadıçeşmesi kurbünde Sinanağa mahâllesinde sâkine bâ‘isetü’l-i‘lâm mu‘arrefetü’z-zât Hadîce Hatun bt. el-Hâc Cafer mahfil-i şer‘iyyâtda hâlâ zevci İbrahim Ağa b. Hasan muvâcehesinde mezbûr İbrahim Ağa beş yüz guruş mehr-i müeccel ve sekiz yüz guruş mehr-i mu‘accel tesmiyeleriyle zevc-i dâhilim olup lâkin mehr-i mu‘accel-i mezkûr hakkım olan sekiz yüz guruşu henüz bana edâ ve îfâ etmemekle suâl olunup mehr-i mu‘accel-i mezkûrum olan sekiz yüz guruşu hâlâ bana edâ ve teslîme zevcim mezbûr İbrahim Ağa’ya tenbîh olunmak matlûbumdur deyü ba‘de’d-da‘vâ ve’l-istintâk, ol dahi cevâbında kazıyye minvâl-i muharrer üzere olduğunu tâyi‘an ve kat‘iyyen ikrâr u i‘tirâf etmeğin mûcebince mehr-i mu‘accel-i mezkûr sekiz yüz guruşun zevcesi müdde‘iye-i mezbûre Hadîce Hatun’a hâlâ edâ ve teslîmiyle mezbûr İbrahim Ağa ilzâm olunduğu tescîl <> mübâşirleri Divriğli Salih Zabtiye kulları yediyle huzûr-ı [âlîlerine i‘lâm olundu.] Fî 7 B sene [12]73.