Mahfel-i Şer‘iyyât Mahkemesi 3 Numaralı Sicil (H. 1273-1274 / M. 1857) cilt: 97, sayfa: 48 Hüküm no: 23 Orijinal metin no: [4a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kayserili Baytar Halil Ağa’nın Kiryako v. Yorgi aleyhindeki alacak iddiasının kanunsuz olduğu Mübâşirine teslîm, Ma‘rûz, Kayseriyeli Baytar Halil Ağa b. Musa mahfil-i şer‘iyyâtda Devlet-i Aliyye teba‘asının Rum milletinden ve bakkāl esnâfından bâ‘isü’r-rakīm Kiryako v. Yorgi muvâcehesinde işbu târîh-i i‘lâmdan üç sene mukaddem merkūm Kiryako’nun yedinde malı olup Mankafa ta‘bîr olunur bir illete mübtelâ olmuş olan bir re’s katırını edviyesi merkūm Kiryako’nun olduğu hâlde ben merkūm Kiryako’nun talebiyle üç gün müddet tedâvî edip müddet-i merkūmede ecr-i mislim olan cem‘an yüz guruşu merkūm Kiryako’nun yedinden tamâmen ahz ü kabz ve istîfâ-yı hak etmiş isem de merkūm Kiryako bana malından muahharen dört yüz guruş dahi ikrâm etmek üzere va‘ad etmiş idüğüne binâen meblağ-ı merkūm dört yüz guruşu dahi mücerred va‘ad-i mezkûruna binâen bana malından vermek üzere merkūm Kiryako’ya cebr ve tenbîh olunmak murâdımdır deyü takrîr-i meşrûhu üzere tasaddî eylediği da‘vâsı va‘ad kabîlinden olup meşrû‘a ve iltifâta şâyân olmadığı müdde‘î-i merkūm Halil Ağa’ya tefhîm ve mûcebince da‘vâ-i mezkûresiyle merkūm Kiryako’ya bî-vech-i şer‘î mu‘ârazadan men‘ olunduğu tescîl ve mübâşirleri Bâb-ı zabtiye neferâtından Tophaneli Hasan Ağa kulları yediyle huzûr-ı [âlîlerine i‘lâm olundu]. Fî 21 B sene [12]73.