Mahfel-i Şer‘iyyât Mahkemesi 3 Numaralı Sicil (H. 1273-1274 / M. 1857) cilt: 97, sayfa: 58 Hüküm no: 34 Orijinal metin no: [6a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatımatüzzehra Hatun’un İbrahim Edhem Ağa’dan muhalaa usulüyle boşanması Nüsha-i sâniye Kâtibine teslîm, İstanbul’da Molla Zeyrek kurbünde Demirhan mahâllesinde sâkine mu‘arrefetü’z-zât Fâtımatüzzehra Hanım bt. el-Hâc Mustafa mahfil-i şer‘iyyâtda zevc-i muhâlı‘ı işbu bâ‘isü’l-i‘lâm İbrahim Edhem Ağa b. el-Hâc Memiş muvâcehesinde mezbûr İbrahim Edhem Ağa beş yüz guruş mehr-i mu‘accel ve üç yüz guruş mehr-i müeccel tesmiyeleriyle zevc-i dâhilim olup lâkin beynimizde hüsn-i mu‘âşeretimiz olmamağla mezbûrun zimmetinde mütekarrir ve ma‘kūdün-aleyh mehreyn-i mezkûreynim olan cem‘an sekiz yüz guruş ile nafaka-i iddet-i mu‘ayyene-i ma‘lûmem üzerlerine ve meûnet-i süknâm dahi kendi üzerime olmak üzere zevcim mezbûr İbrahim Edhem Ağa ile muhâla‘a-i sahîha-i şer‘iyye ile hul‘ olduğumda ol dahi hul‘-ı mezkûru ba‘de’l-kabûl hukūk-ı zevciyete müte‘allıka da‘vâdan tarafeynden her birimiz âharın zimmetini ibrâ-i sahîh-i şer‘î ile kabûlümüzü hâvî ibrâ ve iskāt eyledik deyü ikrâr ve tasdîkleri tescîl ve mübâşirleri Bâb-ı zabtiye neferâtından Arabgirli Hasan Ağa kulları yediyle huzûr-ı [âlîlerine i‘lâm olundu]. Fî 13 Ş sene [1]273. Raşid.