Bab Mahkemesi 54 Numaralı Sicil (H. 1102 / M. 1691) cilt: 20, sayfa: 109 Hüküm no: 87 Orijinal metin no: [13b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. İsmail b. Mustafa üzerine boşadığı hamile eşi Hatice bt. Abdullah için nafaka takdiri Mahmiye-i İstanbul’da Molla Hüsrev mahallesinde sâkine Hatice bt. Abdullah nâm hâtun meclis-i şer‘-i şerîf-i enver ve mahfil-i dîn-i münîf-i ezherde, zevc-i mutallıkı işbu bâ‘isü’l-vesîka İsmail b. Mustafa mahzarında ikrâr-ı tâm ve takrîr-i kelâm edip, mezbûr İsmail zevcim olup bundan akdem beni bâyinen tatlîk edip, mezbûrun firâşından hamlim zuhûr etmekle, iddet-i haml münkaziye oluncaya değin mezbûr İsmail üzerine kıbel-i şer‘den kadr-i ma‘rûf nafaka farz ve takdîr olunmak matlûbumdur dedikde, hâkim-i muvakki‘-i sadr-ı kitâb -tû[bâ]-lehû ve hüsnü me’âb- hazretleri dahi mezbûre Hatice’ye târih-i kitâbdan yevmî dörder akçe nafaka farz ve takdîr edip, meblağ-ı mefrûz-ı mezbûru kendiye harc ve sarfa ve lede’l-iktizâ istidâneye ve inde’z-zafer zevci mezbûr İsmail üzerine rücû‘a mezbûre Hatice’ye izin vermeğin, mâ vaka‘a bi’t-taleb ketb olundu. Fi’l-yevmi’l-hâmis aşer min şehri Recebi’l-ferd sene 1102. Şuhûdü’l-hâl: İbrahim Çelebi b. Ahmed, Mahmud b. Hasan, Ali b. Bali, Ahmed b. Ahmed.