Mahfel-i Şer‘iyyât Mahkemesi 3 Numaralı Sicil (H. 1273-1274 / M. 1857) cilt: 97, sayfa: 68 Hüküm no: 45 Orijinal metin no: [8b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Vefat eden Hasan Ağa’nın Canbaz esnafından Mehmed Ağa’da olan alacağının varislerince tahsil olunması Ma‘rûz, İstanbul’da Saraçhâne kurbünde Haydarhâne mahâllesinde sâkin iken işbu târîh-i i‘lâmdan dokuz ay mukaddem vefât eden Hasan Ağa b. Mahmud b. Abdullah’ın verâseti zevce-i menkûha-i metrûkesi Âişe Hatun bt. Mehmed ile sulbî kebîr oğlu Abdüllatif Ağa ve sulbî sagīr oğulları Mehmed Aziz ve Salih ve Ahmed Rasim’e münhasıra ve tashîh-i mesele-i mîrâsları otuz iki sehmden olup sihâm-ı mezbûreden dört sehmi zevce-i mezbûre Âişe Hatun’a ve yedişer sehmden cem‘an yirmi sekiz sehmi oğulları merkūmûn Abdüllatif Ağa ve Mehmed Aziz ve Salih ve Ahmed Rasim’e isâbeti tahakkukundan sonra ibn-i kebîr-i merkūm Abdüllatif Ağa kendi nefsinden asıl ve sıgār-ı merkūmûnun vâlideleri ve tesviye-i emrlerine kıbel-i şer‘den vasiyy-i mansûbeleri mu‘arrefetü’z-zât zevce-i mezbûre Âişe Hatun her biri mahfil-i şer‘iyyâtda Canbaz esnâfından Mehmed Ağa b. Ahmed nâm kimesne muvâcehesinde mûrisimiz müteveffâ-yı mezbûrun hayâtında mezbûr Mehmed Ağa zimmetinde malından ve yedinden iştirâ ve kabz eylediği ruûs ve fiâtı beynlerinde ma‘lûm ağnâm semeninden ba‘de-külli’l-hesâb gayrı-ez teslîmât sahhü’l-bâkī alacak hakkı olan kırk sekiz guruşu merkūmdan kable’l-ahz ve’l-istîfâ fevt olup meblağ-ı mezkûr kırk sekiz guruş ber-tashîh-i merkūm bizimle sıgār-ı merkūmûna mesele-i mîrâsımız üzere mevrûs olmağla el-hâletü hâzihi meblağ-ı mezkûr kırk sekiz guruşu mezbûr Mehmed Ağa’dan bi’l-verâse ve bi’l-vesâye hâlâ taleb ederiz deyü da‘vâ etdiklerinde ol dahi cevâbında kazıyye minvâl-i muharrer üzere olduğunu bi-tamâmihâ tâyi‘an ve kat‘iyyen ikrâr u i‘tirâf etmeğin mûcebince meblağ-ı mezkûr kırk sekiz guruşun müdde‘î-i mezbûr Abdüllatif Ağa ile zevce-i asıl ve vasiyy-i hâzıra-i merkūme Âişe Hatun’a edâ ve teslîmiyle merkūm Mehmed Ağa ilzâm olunduğu mübâşirleri Bâb-ı zabtiye neferâtından Çorumlu Hüseyin Ağa kulları yediyle huzûr-ı [âlîlerine i‘lâm olundu]. Fî 8 N sene [12]73. Mehmed Emin