Mahfel-i Şer‘iyyât Mahkemesi 3 Numaralı Sicil (H. 1273-1274 / M. 1857) cilt: 97, sayfa: 77 Hüküm no: 54 Orijinal metin no: [10b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halil Bey’in hizmetçisi Azime Hanım aleyhinde hırsızlık iddiasında bulunmaktan men olunması Arabgirli Mehmed zabtiyeye teslîm. Erkân-ı harb mîrlivâsı izzetlü Halil Bey b. Abdullah mahfil-i şer‘iyyâtda bâ‘isü’l-i‘lâm mu‘arrefetü’z-zât Azime Hanım bt. Abdullah muvâcehesinde mezbûre Azime Hatun benim İstanbul’da Şehzâdebaşı nâm mahâlde kâin sâkin olduğum konağımda ücret ile hizmet eder iken işbu târîh-i i‘lâmdan iki ay mukaddem konağ-ı mezkûrda kendi odamda mahfûz malım olan dört yüz elli guruş kıymetli bir aded tabanca ve üç yüz guruş kıymetli bir aded altın kösteğimi oda-i mezkûrdan bir takrîb fuzûlî ve bi-gayrı hakkın ahz ü kabz etmekle mevcûde ise a‘yânını ve müstehleke ise ba‘de’s-sübût kıymetleri olan cem‘an sekiz yüz kırk guruşu bi-tarîkı’d-damân hâlâ bana edâ ve teslîme mezbûre [11a] Azime Hatun’a tenbîh olunmak murâdımdır deyü ba‘de’d-da‘vâ ve’l-istintâk ve’l-inkâr müdde‘î-i mûmâ-ileyh Halil Bey ber-minvâl-i muharrer müdde‘âsını isbâtdan izhâr-ı acz edip talebiyle mezbûre Azime Hatun bi’l-muvâcehe ber-nehc-i şer‘î tahlîf olunmağın mûcebince müdde‘î-i mûmâ-ileyh Halil Bey da‘vâ-i mezkûresiyle mezbûre azime Hatun’a bilâ-beyyine mu‘ârazadan men‘ olunduğu bi’l-iltimâs huzûr-ı [âlîlerine i‘lâm olundu]. Fî 13 L sene [1]273. Asım.