Mahfel-i Şer‘iyyât Mahkemesi 3 Numaralı Sicil (H. 1273-1274 / M. 1857) cilt: 97, sayfa: 80 Hüküm no: 58 Orijinal metin no: [11b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed b. Halil’in üvey babası Mehmed aleyhindeki alacak iddiasından vazgeçmesi Ma‘rûz, Vilâyet-i Anadolu’da Nevşehir kazâsı ahâlîsinden ve rençber tâifesinden sâhib-i arzuhâl Ahmed b. Halil mahfil-i şer‘iyyâtda üveyi pederi yine kazâ-i mezkûr ahâlîsinden derûn-ı arzuhâlde mezkûrü’l-ism Mehmed b. Ali nâm kimesne muvâcehesinde ben işbu târîh-i i‘lâmdan üç sene mukaddem üveyi pederim mezbûr Mehmed’in talebiyle kazâ-i mezkûrda vâki‘ bâ-temessük-i sâhib-i arz müstakillen taht-ı tasarrufunda bulunan ma‘lûmü’l-hudûd bir kıt‘a tarlasında otuz altı ay müddet ber-mu‘tâd rençberlik etmemle ecr-i mislim olan yevmiye onar guruşdan müddet-i merkūmede iktizâ eden cem‘an iki bin dört yüz guruşu üveyi pederim mezbûr Ahmed’den hâlâ taleb ederim deyü tasaddî eylediğim da‘vâmdan rızâmla meccânen ferâğ olmağla mütâlebesine müte‘allıka âmme-i da‘vâdan üveyi pederim mezbûrun zimmetini ibrâ-i sahîh-i şer‘î ile kabûlünü hâvî ibrâ ve iskāt eyledim deyü ikrâra tasdîkleri tescîl ve huzûr-ı [âlîlerine i‘lâm olundu]. Fî 12 L sene [12]73. Akif, tesvîdden.