Mahfel-i Şer‘iyyât Mahkemesi 3 Numaralı Sicil (H. 1273-1274 / M. 1857) cilt: 97, sayfa: 90 Hüküm no: 68 Orijinal metin no: [13a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Fatıma Hatun’un suyolcu esnafından olan Ali Ağa’dan boşanması İstanbul’da Ekşikaradut civârında Oruçgazi mahâllesinde sâkine mu‘arrefetü’z-zât Fâtıma Hatun bt. Ahmed mahfil-i şer‘iyyâtda zevc-i mutallıkı Suyolcu esnâfından bâ‘isü’l-i‘lâm es-Seyyid Ali Ağa b. es-Seyyid Halil muvâcehesinde mezbûre Fâtıma Hatun altı yüz elli guruş mehr-i mu‘accel ve altı yüz bir guruş mehr-i müeccel tesmiyeleriyle zevc-i dâhilim iken işbu târîh-i i‘lâmdan dört gün mukaddem mahâlle-i merkūmede vâki‘ menzilinde beni bâyinen tatlîk etmekle ve zimmetinde mütekarrir ve ma‘kūdün-aleyh mehreyn-i mezkûreynim olan cem‘an bin iki yüz elli bir guruş ile nafaka-i iddet-i ma‘lûmem ve meûnet-i süknâm mukābelelerinde bi’t-terâzî beynimizde ta‘yîn olunan dört yüz guruş ki min-haysü’l-mecmû‘ bin altı yüz elli bir guruşu işbu meclis-i şer‘de bana tamâmen ve kâmilen def‘ ü teslîm eylediğinde ben dahi yedinden bi’t-tamâm ve’l-kemâl ahz ü kabz etmemle ancak hukūk-ı zevciyete müte‘allıka âmme-i de‘âvîden tarafeynden her birimiz âharın zimmetini ibrâ-i sahîh-i şer‘î ile kabûlü hâvî ibrâ ve iskāt eyledik deyü mukırra-i mezbûre Fâtıma Hatun’un sâdıra olan bi’l-cümle kelimât-ı meşrûhasını [13b] mezbûr es-Seyyid Ali Ağa tasdîk ve tahkīk eylediği tescîl ve bi’l-iltimâs huzûr-ı [âlîlerine i‘lâm olundu]. Fî 23 L sene [12]73. Hâfız Akif.