Mahfel-i Şer‘iyyât Mahkemesi 3 Numaralı Sicil (H. 1273-1274 / M. 1857) cilt: 97, sayfa: 125 Hüküm no: 101 Orijinal metin no: [21a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sahaf Ali Efendi’nin Sahaf Hüseyin Efendi aleyhindeki kitap bedeli davasında anlaşma sağlanması Mübâşirine teslîm şüd. Ma‘rûz, Bâ‘isü’l-i‘lâm Sahâf Ali Efendi b. Mehmed mahfil-i şer‘iyyâtda Sahâf el-Hâc Hüseyin Efendi b. Hasan muvâcehesinde mezbûr el-Hâc Hüseyin Efendi zimmetinde bundan akdem malımdan ve tarafımdan bey‘a vekîlim olan işbu hâzır bi’l-meclis Ahmed Efendi b. Mustafa yedinden iştirâ ve kabz eylediği cild ve fiâtı beynimizde ma‘lûm kütüb-i mütenevvi‘a esmânından ba‘de-külli’l-hesâb gayrı ez teslîmât sahhü’l-bâkī üç yüz elli beş guruş alacak hakkım olmağla meblağ-ı bâkī-i mezkûr üç yüz elli beş guruşu mezbûr el-Hâc Hüseyin Efendi’den hâlâ taleb ederim deyü hâzır-ı mezbûrun tevkîl ve ihâlesiyle tasaddî eylediğim da‘vâmdan ba-tavassut-ı muslihîn mezbûr el-Hâc Hüseyin Efendi ile bi’t-tav‘ ve’r-rızâ iki yüz yetmiş guruş üzerine sulh olduğumda ol dahi sulh-ı mezkûru ba‘de’l-kabûl bedel-i sulh-ı mezkûr iki yüz yetmiş guruşdan mâ‘adâ ziyâde müdde‘âma ve bi’l-cümle husûs-ı mezkûra müte‘allıka da‘vâdan tarafeynden her birimiz âharın zimmetini ibrâ-i sahîh-i şer‘î ile kabûlü hâvî ibrâ ve iskāt eyledik deyü ba‘de’l-ikrâr ve’t-tasdîk ibrâdan müstesnâ bedel-i sulh-ı mezkûr iki yüz yetmiş guruşu müdde‘î-i mezbûr Ali Efendi’ye bi’t-taleb edâ ve teslîme mezbûr el-Hâc Hüseyin Efendi’ye tenbîh olunduğu tescîl ve mübâşirleri bâb-ı zabtiye neferâtından Konevî Ali Çavuş yediyle huzûr-ı [âlîlerine i‘lâm olundu]. Fî-gurreti S sene [12]74. Akif