Mahfel-i Şer‘iyyât Mahkemesi 3 Numaralı Sicil (H. 1273-1274 / M. 1857) cilt: 97, sayfa: 139 Hüküm no: 114 Orijinal metin no: [23b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Abdullah b. İbrahim’e olan borcunu ödemesi hususunda Kayıkçı Mustafa’ya tenbihte bulunulması İhtisâbdan Kumkapılı İbrahim Kavvâs’a teslîm. Bâ‘isü’l-i‘lâm ma‘ûnacı Abdullah b. İbrahim mahfil-i şer‘iyyâtda Kayıkçı Mustafa b. Halil muvâcehesinde mezbûr Mustafa zimmetinde işbu târîh-i i‘lâmdan bir buçuk ay mukaddem malımdan ve yedimden iktirâz ve kabz ve umûruna sarfla istihlâk eylediği bin sekiz yüz doksan guruş alacak hakkım olmağla meblağ-ı mezkûr bin sekiz yüz doksan guruş merkūm Mustafa’dan hâlâ taleb ederim deyü ba‘de’d-da‘vâ ve’l-istintâk ol dahi cevâbında cihet-i merkūmeden ol mikdâr guruş müdde‘î-i merkūm Abdullah el-yevm zimmetinde sahîhan deyni olduğunu tâyi‘an ve kat‘iyyen ikrâr u i‘tirâf etmeğin mûcebince meblağ-ı mezkûr bin sekiz yüz doksan guruşun müdde‘î-i merkūm Abdullah’a hâlâ edâ ve teslîmiyle merkūm Mustafa ilzâm olunduğu bi’l-iltimâs huzûr-ı [âlîlerine i‘lâm olundu]. Fî 9 Ra sene [12]74. Hasan.