Bab Mahkemesi 54 Numaralı Sicil (H. 1102 / M. 1691) cilt: 20, sayfa: 116 Hüküm no: 95 Orijinal metin no: [15a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Riyazi Mustafa Efendi b. Hacı Süleyman’ın çiftlik satışının iptali Vilâyet-i Anadolu’da Larende kasabası ahâlîsinden Riyâzî Mustafa Efendi b. el-Hâc Süleyman nâm kimesne meclis-i şer‘-i şerîf-i enverde, bâ‘isü’l-vesîka Abdurrahim Efendi b. el-Hâc Yusuf mahzarında ikrâr ve takrîr-i kelâm edip, mûmâ-ileyh Abdurrahim Efendi hazretleri kasaba-i mezbûreye tâbi‘ Silazek? nâm karyede vâki‘ lede’l-cîrân ma‘lûmü’l-hudûd büyût-ı adîdeyi müştemil mülk menzil ve mülk arsalarını ve yirmi beş koyun ve üç camus ve dört öküz ve beynimizde ma‘lûm çiftlik âlâtın bi cümleti’t-tevâbi‘ dört yüz guruşa ve ma‘lûmü’l-hudûd ve’l-kat‘ arâzîyi dahi bâ-ma‘rifet-i sâhib-i arz bedel-i merkūm mukābelesinde bana bey‘ ve teslîm ve tefvîz edip, ben dahi iştirâ ve tesellüm ve tefevvüz etmiş idim. Lâkin semen-i mezkûr dört yüz guruşu kendiye edâ ve teslîm etmemekle, rızâm ile bey‘-i mezkûru fesh ve ikāle efendiyi taslît eyledim. El-yevm zikr olunan emlâk ve arâzîde alâka ve medhalim kalmayıp, mülknâmeyi dahi kendiye teslîme ta‘ahhüd eyledim dedikde, gıbbe’t-tasdîki’ş-şer‘î mâ vaka‘a bi’t-taleb ketb olundu. Fi’r-râbi‘ ve’l-ışrîn min Cemâziyelevvel sene 1102. Şuhûdü’l-hâl: Fahrü’l-müderrisîni’l-kirâm Mehmed Efendi, Mefharü’l-mehâdim Emin Mehmed Efendi, Hüseyin Çelebi b. Halil, Mehmed Efendi, Ahmed Efendi, Ali Çelebi.