Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 63 Hüküm no: 9 Orijinal metin no: [1b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hamile olan Ayşe bt. Abdullah’ın doğum yapıncaya ve iddeti bitinceye kadar boşandığı eşi Hasan Beşe üzerine nafaka takdir edilmesi Haml nafakası Mahmiye-i İstanbul’da Hacıküçük mahallesinde sâkine ve zâtı zeyl-i vesîkada muharrerü’l-esâmî Müslimîn ta‘rîfleriyle mu‘arrefe olan işbu bâ‘isetü’l-vesîka Âişe bt. Abdullah nâm hatun meclis-i şer‘-i şerîf-i enverde zevc-i muhâlı‘ı Hasan Beşe b. Süleyman mahzarında ikrâr-ı tam ve takrîr-i kelâm edip merkūm Hasan Beşe ile zevciyet beynimizde kāime iken merkūmun firâşından hâsıla hâlâ hamlim olmağla vaz‘-ı haml ile iddetim münkaziye oluncaya değin kendi nafakam için kıbel-i şer‘den zevcim merkūm Hasan Beşe üzerine kadr-ı ma‘rûf meblağ farz ve takdîr olunmak matlûbumdur dedikde gıbbe’t-tasdîki’ş-şer‘î hâkim-i muvakkı‘-ı sadr-ı kitâb tûbâ-lehû ve hüsnü-meâb efendi hazretleri dahi mezbûre Âişe Hatun’un vaz‘-ı haml ile iddeti münkaziye oluncaya değin kendi nafakası için zevc-i merkūm Hasan Beşe üzerine târih-i vesîkadan beher mâh onar guruş farz ve takdîr buyurup meblağ-ı mefrûz-ı mezkûru kendi nafaka ve sâir levâzım-ı zarûriyesine harc ü sarfa ve lede’l-iktizâ istidâneye ve inde’z-zafer zevci merkūm Hasan Beşe üzerine rücû‘a mezbûre Âişe Hatun’a izin vermeğin mâ-vaka‘a [bi’t-taleb ketb olundu.] Fî 17 M sene [1]242 Şühûdü’l-hâl: Muhzır Emin Çelebi, Muhzır Ali Çelebi, Muhzır Hüseyin Çelebi,