Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 67 Hüküm no: 14 Orijinal metin no: [2a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Seyyid Numan Efendi’nin sarraf Anaştaş v. İstefan’ın zimmetini ibra etmesi İbrâ, husûs ile Tahakkuk-ı özr-i şer‘îye binâen husûs-ı âti’l-beyânın mahâllinde ketb ü tahrîri için savb-ı şer‘-i enverden bi’l-iltimâs irsâl olunan mevlana es-Seyyid Numan Efendi mahmiye-i İstanbul’da Yeni Han’da vâki‘ sarrâf tâifesinden Anaştaş v. İstefan zimmînin odasına varıp zeyl-i vesîkada muharrerü’l-esâmî Müslimîn huzûrlarında akd-i meclis-i şer‘-i Nebevî ettikde oda-i mezkûrda misâfiren sâkin Tosya ahâlisinden mültezim Ebûbekir Ağa b. Hüseyin meclis-i ma‘kūd-ı mezkûrda işbu hâmilü’r-rakīm mersûm Anaştaş zimmî muvâcehesinde ikrâr-ı tam ve takrîr-i kelâm edip benim sarrâf-ı mersûm Anaştaş zimmî ile târih-i vesîkaya gelince müddet-i vâfire beynimizde ahz ü i‘tâ cereyân etmekle bi’l-cümle beynimizde cereyân eden ahz ü i‘tânın hesâbını şühûd muvâcehelerinde sehv ü galatdan ârî yegân yegân sahîhan rü’yet eylediğimizde benim mersûm Anaştaş zimmîye zimmetimde sahhu’l-bâkī on beş bin guruş deynim zuhûr etmekle bi’l-cümle husûs-ı mezkûra ve hesâbda sehv ü galat vukū‘una vesâir cemî‘ hukūk-ı şer‘iyeye müte‘allika âmme-i de‘âvî ve mutâlebât ve kâffe-i eymân ve muhâsamâtdan mersûm Anaştaş zimmînin zimmetini ibrâ-yı âmm-ı sahîh-i şer‘î ve iskāt-ı tamm-ı sarîh-i mer‘î ile ibrâ ve iskāt eylediğimde ol dahi ber-vech-i muharrer ibrâ-yı mezkûrumu kabûl eyledi dedikde gıbbe’t-tasdîki’ş-şer‘î vâki‘ hâli mevlana-yı merkūm mahâllinde ketb ü tahrîr ve ma‘an mürsel ümenâ-i şer‘le meclis-i şer‘a gelip alâ-vukū‘ihî inhâ ve takrîr etmeğin mâ-vaka‘a [bi’t-taleb ketb olundu.] Fî 19 M sene [1]242 Şühûdü’l-hâl: Halil Ağa, Mehmed Çelebi el-muhzır, Feyzullah Çelebi el-muhzır