Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 70 Hüküm no: 18 Orijinal metin no: [2b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hatice bt. Ali Rıza’nın eşi Seyyid Mustafa Ağa’dan muhâlaa usulüyle boşanması Tatlîk hücceti Mahmiye-i İstanbul’da Mimar Ayas mahallesinde sâkine ve zâtı zeyl-i vesîkada muharrerü’l-esâmî Müslimîn ta‘rîfleriyle mu‘arrefe olan Hadice bt. Ali Rıza nâm hatun meclis-i şer‘-i şerîf-i enverde zevc-i mutallıkı işbu bâ‘isü’l-vesîka es-Seyyid Mustafa Ağa b. el-Hâc Ömer mahzarında ikrâr-ı tam ve takrîr-i kelâm edip merkūm es-Seyyid Mustafa Ağa zevc-i dâhilim olup târih-i kitâbdan on iki gün mukaddem beni tasdîk [tatlîk] etmekle zimmetinde mütekarrir ve ma‘kūdün-aleyh olan doksan beş guruş mehr-i müeccelim ve nafaka-i iddetim ve meûnet-i süknâm mukābelelerinde beynimizde bi’t-terâzî ta‘yîn olunan otuz guruş ki cem‘an yüz yirmi beş guruşu zevcim merkūm işbu meclis-i şer‘de bana def‘ ve teslîm, ben dahi yedinden tamamen ahz ü kabz edip ancak hukūk-ı zevciyete müte‘allika da‘vâdan her birimiz âharın zimmetini ibrâ ve iskāt ve her birimiz ber-vech-i muharrer âharın ibrâsını kabûl eyledik dedikde gıbbe’[t-tasdîki’ş-şer‘î mâ-vaka‘a bi’t-taleb ketb olundu.] Fî 8 Cemâziyelûlâ sene 1241 Şühûdü’l-hâl: Muhzır Emin Çelebi, Muhzır İsmail Çelebi, Muhzır Mehmed Çelebi