Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 74 Hüküm no: 23 Orijinal metin no: [3a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Sarı Mehmed Beşe’nin küçük kızı Rabia’yı eğitmek üzere Nefise bt. Seyyid Mehmed Salih’e vermesi İ‘âre Hücceti Vilâyet-i Anadolu’da Gerede kazâsı ahâlisinden olup mahmiye-i İstanbul’da Sultan Mehmed kurbünde Kelleli? Han’da sâkin Sarı Mehmed Beşe b. Ahmed meclis-i şer‘-i şerîf-i enverde zâtı mu‘arrefe işbu bâ‘isetü’l-vesîka Şerife Nefise bt. es-Seyyid Mehmed Salih nâm hatun mahzarında ikrâr-ı tam ve takrîr-i kelâm edip işbu yedimde olan tahmînen on dört aylık kızım Şerîfe Râbi‘a nâm-ı diğer Hediye nâm sagīreyi tehzîb-i ahlâk ve ta‘lîm-i âdâb ve ma‘ârif için mezbûre Şerife Nefise Hatun’a i‘âre ve teslîm ve bana rücû‘ şartıyla sagīre-i mezbûrenin nafaka ve kisve ve sâir levâzım-ı zarûriyesine mâh be-mâh kendi malından on guruş harc ü sarf etmek üzere mezbûre Şerife Nefise Hatun’a emir ve alâ-vechi’l-âde istihdâma dahi izin <> verdiğimde ol dahi ber-vech-i isti‘âre ve kabz ve bana rücû‘ şartıyla kızım sagīre-i mezbûrenin nafaka ve kisve ve sâir levâzım-ı zarûriyesine kendi malından mâh be-mâh onar guruş harc ü sarfa ta‘ahhüd eyledi dedikde gıbbe’[t-tasdîki’ş-şer‘î mâ-vaka‘a bi’t-taleb ketb olundu.] Fî 5 M sene [1]241 Şühûdü’l-hâl: Muhzır Emin, Ali Alemdar, Hüseyin Alemdar, Duhânî Ömer Ağa, Hüseyin Ağa, İbrahim Ağa, Muhzır Fettah Çelebi.