Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 74 Hüküm no: 24 Orijinal metin no: [3a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hanife bt. Seyyid İsmail’in eşi Mustafa Efendi’den muhâlaa usulüyle boşanması Tatlîk hücceti Mahmiye-i İstanbul’da Hocapaşa kurbünde Elvan mahallesinde sâkine ve zâtı zeyl-i vesîkada muharrerü’l-esâmî Müslimîn ta‘rîfleriyle mu‘arrefe olan Şerife Hanife bt. es-Seyyid İsmail nâm Hatun meclis-i şer‘-i şerîf-i enverde zevc-i muhâlı‘ı işbu bâ‘isü’l-vesîka Mustafa Efendi b. el-Hâc İsmail mahzarında ikrâr-ı tam ve takrîr-i kelâm edip merkūm Mustafa Efendi zevc-i dâhilim olup târih-i vesîka günü beni tatlîk etmekle zimmetinde mütekarrir ve ma‘kūdün-aleyh olan üç yüz elli bir guruş mehr-i müeccelimin iki yüz elli guruşunu bana def‘ ü teslîm ben dahi yedinden tamamen ahz ü kabz edip mâ‘adâ yüz bir guruş mehr-i müeccelim ve nafaka-i iddet-i mu‘ayyene-i ma‘lûmem üzerlerine ve meûnet-i süknâm dahi kendi üzerime olmak üzere zevcim mezbûr ile muhâla‘a-i sahîha-i şer‘iye ile hul‘ olduğumda ol dahi hul‘-ı mezkûru ba‘de’l-kabûl hukūk-ı zevciyete ve ibtidâ-yı zevciyetden işbu târih-i vesîkaya gelince sâir beynimizde cereyân eden cemî‘ hukūk-ı şer‘iyeye müte‘allika âmme-i de‘âvî ve kâffe-i mutâlebâtdan zevcim merkūm Mustafa Efendi’nin zimmetini ibrâ ve iskāt eylediğimde ol dahi ber-vech-i muharrer iştirâ-yı mezkûrumu kabûl eyledi dedikde gıbbe’[t-tasdîki’ş-şer‘î mâ-vaka‘a bi’t-taleb ketb olundu.] Fî 12 Cemâziyelâhire sene 1241. Şühûdü’l-hâl: Emin Çelebi el-muhzır, Ali Çelebi el-muhzır,