Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 77 Hüküm no: 28 Orijinal metin no: [3b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halil b. Abdullah’ın, vefat eden Hüseyin Ağa’nın terekesinden dolayı Ayşe bt. Abdullah’ın zimmetini ibra etmesi Terekeden ibrâ Mahmiye-i İstanbul’da Şehremîni kurbünde sâkin iken bundan akdem fevt olan Hüseyin Ağa b. Ömer b. Abdullah’ın verâseti zevce-i merkûha-i metrûkesi Âişe bt. Abdullah nâm hatun ile li-ebeveyn er karındaşı oğlu Halil b. el-mezbûr Abdullah’a inhisârı tahakkukundan sonra mezbûr Halil meclis-i şer‘-i şerîf-i enverde işbu bâ‘isetü’l-vesîka zâtı mu‘arrefe mezbûre Âişe Hatun mahzarında bi’l-verâse ikrâr-ı tam ve takrîr-i kelâm edip mûrisimiz müteveffâ-yı mezbûr Hüseyin Ağa’nın hîn-i vefâtında el-hak lâbis olduğu köhne libâsından gayrı terekesi nâmına bir nesnesi zuhûr etmeyip üzerinde lâbis olduğu libâsı dahi el-hak köhne ve tekfînine vefâ etmeyip ziyâde bir nesnesi kalmamağla hukūk-ı mîrâsa ve sâire müte‘allika âmme-i da‘vâdan zevcesi mezbûre Âişe Hatun’un zimmetini bi’l-verâse ibrâ ve iskāt eylediğimde ol dahi ber-vech-i muharrer ibrâ-yı mezkûrumu kabûl eyledi dedikde gıbbe’[t-tasdîki’ş-şer‘î mâ-vaka‘a bi’t-taleb ketb olundu.] Fî 3 M sene [1]242 Şühûdü’l-hâl: Muhzır İbrahim Çelebi, Muhzır Ebûbekir Çelebi