Bab Mahkemesi 54 Numaralı Sicil (H. 1102 / M. 1691) cilt: 20, sayfa: 119 Hüküm no: 100 Orijinal metin no: [16a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kahraman Hatun Vakfı menzilinin İbrahim Efendi b. Receb’e tahsis edilmesi Merhûme Kahraman nâm hâtunun süknâsı ulemâya meşrûta vakfı olup mahmiye-i İstanbul’da Sancakdâr Hayreddin mahallesinde vâki‘ lede’l-ahâlî ve’l-cîrân ma‘lûmü’l-hudûd menzilin tevcîh-i hâkimü’ş-şer‘le mutasarrıfı olan Yusuf Efendi fevt olmağla, süknâ-yı menzil-i mezkûr mahlûle ve ulemâdan işbu bâ‘isetü’l-kitâb İbrahim Efendi b. Receb nâm kimesne süknâya muhtâc ve her vechile mahal ve müstahık olmağın, süknâ-yı menzil-i mezkûru mûceb-i şart-ı vâkıf mûmâ-ileyh İbrahim Efendi’ye kıbel-i şer‘den tevcîh olunup, tasarrufu için işbu vesîka bi’t-taleb ketb olunup, yedine def‘ u i‘tâ olundu. Fi’l-yevmi’l-hâmis ve’l-ışrîn min Cemâziyelevvel li sene isneteyn ve mi’e ve elf. Şuhûdü’l-hâl: Mehmed Efendi b. Mehmed, Abdurrahman Efendi el-imâm, Mustafa Ağa Kethüdâ-yı [hazret-i] efendi, Ahmed Çelebi, Mehmed Efendi el-imâm efendi.