Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 80 Hüküm no: 33 Orijinal metin no: [4a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmail Ağa’nın Helvacı Mustafa Ağa’dan borç para alması ve karşılığında berber gediğini rehin vermesi İdâne hücceti, 1300 guruş Mahmiye-i İstanbul’da Aksaray kurbünde Mercimek mahallesinde sâkin İsmail Ağa b. Mehmed meclis-i şer‘-i şerîf-i enverde işbu bâ‘isü’l-vesîka Mustafa Helvacı Ağa b. Ahmed mahzarında ikrâr-ı tam ve takrîr-i kelâm edip merkūm Mustafa Helvacı Ağa bana malındanbin guruş idâne ve teslîm ben dahi yedinden istidâne ve kabz etmemle meblağ-ı mezbûr bin guruş ile semeni târih-i kitâbdan iki sene tamamına değin müeccel ve mev‘ûd olmak üzere yine merkūmun malından ve yedinden iştirâ ve kabz eylediği bir hilâlî sâ‘at semeninden üç yüz guruş ki ciheteyn-i mezkûreteynden cem‘an bin üç yüz guruş merkūm Mustafa Hulusi Ağa’ya zimmetimde vâcibü’l-edâ ve lâzımü’l-kazâ sahîhandeynim olmağla ben deynim olan meblağ-ı mecmû‘-ı mezbûr bin üç yüz guruş mukābelesinde mahmiye-i mezbûrede Kumkapı kurbünde Nişâncı İbrahim Paşa civârında köşe başında ekmekçi dükkânı karşısında vâki‘ el-Hâc Mehmed dükkânı ittisâlinde kâin bir bâb berber dükkânı derûnunda mevcûde beyne’l-esnâf gedik ta‘bîr olunur müstakıllen yedimde emvâlim olan bir kayış ve on ustura ve bir bileyi taşı ve bir güğüm ve sâir âlât-ı lâzıme-i ma‘lûmemi rehin vaz‘ ü teslîm eylediğimde ol dahi ber-vech-i muharrer irtihân ve kabz ü kabûl eyledikden sonra merkūm Mustafa Hulusi Ağa âlât-ı lâzıme-i mezkûrede li-ecli’l-isti‘mâl bana i‘âre ve teslîm ben dahi yedinden isti‘âre ve kabz etmemle âlât-ı muharrere-i mezkûre hâlâ yedimde âriyettir dedikde gıbbe’[t-tasdîki’ş-şer‘î mâ-vaka‘a bi’t-taleb ketb olundu.] Fî 4 Rebî‘ülâhir sene 1241 Şühûdü’l-hâl: Muhzır Emin Çelebi, Muhzır Ali Çelebi