Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 82 Hüküm no: 35 Orijinal metin no: [4a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Hoca Hacı Mehmed Efendi’nin Muhzır Ebubekir Çelebi’yi vekil tayin etmesi Vekâlet Mahmiye-i İstanbul’da Balaban Ağa mahallesinde sâkin Hoca el-Hâc Mehmed Efendi b. Osman meclis-i şer‘-i şerîf-i enverde işbu bâ‘isü’l-vesîka Muhzır Ebûbekir Çelebi b. İbrahim mahzarında ikrâr-ı tam ve takrîr-i kelâm edip ben işbu târih-i kitâb senesi hacc-ı şerîfe azîmet niyet etmemle Âsitâne-i Aliyye’de Gedikpaşa kurbünde vâki‘ mâ-i lezîz çeşmesinde ve yine mahâll-i mezkûrda [4b] Sultan Saray yerinde vâki‘ mâ-i lezîz çeşmesinde mevcûde saka gediklerinin icârâtını ve Hasan Paşa cânibinde vâki‘ ma‘lûmü’l-hudûd bir bâb odamın icâresini müstecirlerinden ve Hasan Paşa Hanı çarşısında vâki‘ mektebin ve sebîlin kezâlik vezâifini erbâbından ve sâir zimem-i nâsda olan hukūkumu erbâbından ahz ü kabz ve lede’l-iktizâ zikr olunan gedikleri ve odayı âhara ve sâir cemî‘ umûrunu rü’yete tarafımdan merkūm Ebûbekir Çelebi’yi vekîl ve nâib-i menâb nasb ü ta‘yîn eyledim dedikde ol dahi ber-vech-i muharrer vekâlet-i mezkûreyi kabûl ve merâsimini kemâ-yenbagī edâya ta‘ahhüd ve iltizâm etmeğin mâ-vaka‘a [bi’t-taleb ketb olundu]. Fî 21 Zilhicce sene 1240 Şühûdü’l-hâl: Muhzır Hüseyin Çelebi, Muhzır Mehmed Çelebi, Muhzır Fettah Çelebi, Muhzır Mehmed Çelebi, Muhzır Ali Çelebi