Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 89 Hüküm no: 46 Orijinal metin no: [22a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Emine bt. Mehmed’in eşi Yakub Ağa’dan muhâlaa usulüyle boşanması Muhâla‘a <> Mahmiye-i İstanbul’da Sultan Ahmed Câmi‘-i şerîfi kurbünde Üçler mahallesinde sâkine ve zâtı zeyl-i vesîkada muharrerü’l-esâmî Müslimîn ta‘rîfleriyle mu‘arrefe olan Emine bt. Mehmed nâm hatun meclis-i şer‘-i şerîf-i enverde zevc-i muhâlı‘ı işbu bâ‘isü’l-vesîka Yakub Ağa b. Yusuf mahzarında ikrâr-ı tam ve takrîr-i kelâm edip merkūm Yakub Ağa zevc-i dâhilim olup lâkin beynimizde hüsn-i mu‘âşeretimiz olmamağla zimmetinde mütekarrir ve ma‘kūdün-aleyh olan yirmi bir guruş mehr-i müeccelim ve nafaka-i iddet-i mu‘âyene-i ma‘lûmem üzerlerine ve meûnet-i süknâm dahi kendi üzerime olmak üzere zevcim mezbûr Yakub Ağa ile muhâla‘a-i sahîha-i şer‘iye ile hul‘ olduğumda ol dahi hul‘-ı mezkûru ba‘de’l-kabûl ancak hukūk-ı zevciyete <> müte‘allika da‘vâdan her birimiz âharın zimmetini ibrâ ve iskāt eyleyip ve her birimiz ber-vech-i muharrer âharın ibrâsını kabûl eyledik dedikde gıbbe’[t-tasdîki’ş-şer‘î mâ-vaka‘a bi’t-taleb ketb olundu.] Fî 14 S sene [1]242 Şühûdü’l-hâl: Emin Çelebi el-muhzır, Mustafa b. Hüseyin, Mehmed Ârif b. Ahmed.