Bab Mahkemesi 54 Numaralı Sicil (H. 1102 / M. 1691) cilt: 20, sayfa: 120 Hüküm no: 102 Orijinal metin no: [16a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Süleyman b. Bayram üzerine hamile eşi Sâliha bt. Süleyman için nafaka takdiri Mahmiye-i İstanbul’da Çukurbostan kurbunda sâkin Sâliha bt. Süleyman meclis-i şer‘-i şerîfde, zevc-i mutallıkı Süleyman b. Bayram mahzarında ikrâr-ı tâm ve takrîr-i kelâm edip, zevc-i mutallıkı mezbûr Süleyman firâşından hâlâ hamli zuhûr etmekle, müddet-i haml münkaziye oluncaya değin mezbûr Süleyman üzerine kıbel-i şer‘den nafaka farz ve takdîr olunmak matlûbumdur dedikde, hâkim-i muvakki‘-i sadr-ı kitâb -tûbâ-leh ve hüsnü me’âb- hazretleri dahi mezbûre Sâliha iddet-i hamli inkızâsına değin bi’t-terâzî yevmî altışar akçe nafaka farz ve takdîr edip, meblağ-ı mefrûz-ı mezbûru nafakasına sarfa lede’l-iktizâ istidâneye vakt-i zaferde mezbûr Süleyman üzerine rücû‘a mezbûre Sâliha’ya izin verilmeğin, mâ vaka‘a bi’t-taleb ketb olundu. Fi’l-yevmi’r-râbi‘ min Cemâziyelevvel sene 1102. Şuhûdü’l-hâl: Mustafa b. Şaban, Ahmed b. Ahmed el-muhzır, İbrahim Çelebi b. Ahmed, Abdullah Efendi el-kâtib, Abdurrahman Çelebi, el-Hâc Ali b. Abdullah.