Mahmudpaşa Mahkemesi 1 Numaralı Sicil (H. 1240-1242 / M. 1825-1827) cilt: 91, sayfa: 97 Hüküm no: 58 Orijinal metin no: [23a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa b. Mustafa’nın Barla kasabasındaki tarla ve bağ hissesini Seyyid Süleyman b. Mehmed’e satması 150 guruş emlâk mübâya‘ası Medîne-i Üsküdar’da sâkin Mustafa b. Mustafa meclis-i şer‘-i şerîf-i enverde işbu bâ‘isü’l-vesîka es-Seyyid Süleyman b. Mehmed mahzarında ikrâr-ı tam ve takrîr-i kelâm edip vilâyet-i Anadolu’da Isparta sancağında Barla kasabasında vâki‘ herbiri ma‘lûmü’l-hudûd üç kıt‘a bağ ve ma‘lûmü’l-hudûd bir kıt‘a bostan yeri yirmi dört sehm i‘tibârıyla altı sehmi benim ve on sekiz sehmi müşteri-yi merkūmun yedimizde mülkümüz olmağla ben emlâk-ı muharrere-i mezkûrede ber-vech-i muharrer mâlik olduğum altı sehm hisse-i şâyi‘amı tarafeynden îcâb ve kabûlü hâvî şurût-ı müfsideden ârî bey‘-i bâtt-ı sahîh-i şer‘î ile merkūm es-Seyyid Süleyman’a yüz elli guruşa bey‘ ü temlik ve mahâllinde kabza tarafımdan merkūmu taslît eylediğimde ol dahi ber-vech-i muharrer iştirâ vetemellük ve kabûl eyledikdensonra semeni olan meblağ-ı mezbûr yüz elli guruşu müşteri-yi merkūm bana def‘ ü teslîm ben dahi yedinden tamamen ahz ü kabz eyledim. Fîmâ ba‘d emlâk-ı muharrere-i mezkûrenin mecmû‘u mezbûr es-Seyyid Süleyman’ın mülk-i mahzı ve hakk-ı sırfı olup benim kat‘a alâka ve medhalim kalmamışdır dedikde gıbbe’[t-tasdîki’ş-şer‘î mâ-vaka‘a bi’t-taleb ketb olundu.] Fî 22 S sene [1]242 Şühûdü’l-hâl: Muhzır emîn Çelebi, Muhzır Fettah Çelebi